Mýzeı túniniń basty oqıǵasy «Kovorkıng balalar ortalyǵynyń» ashylýy
QR Memlekettik Ortalyq mýzeıi 2022 jyldyń 18 mamyry kúni «Halyqaralyq mýzeıler kúni» kásibı merekesine oraı «Mýzeı túni» merekelik is sharasyn ótkizedi, dep habarlaıdy Almaty-akshamy.kz.
Bul qalamyzdyń turǵyndary men qonaqtaryna mýzeı artefaktilerimen, mádenı-bilim berý baǵdarlamalarymen tanysýǵa jáne elimizdiń tarıhy men mádenıetiniń jańa betterin ashýǵa múmkindik beretin iri halyqaralyq áleýmettik mádenı-bilim berý jobasy.
QR Prezıdenti Qasym-Jomart Kemelulynyń 2022 jyldy «Balalar jyly» dep jarıalaýyna oraı, QR Memlekettik Ortalyq mýzeıiniń bıylǵy jylǵy «Mýzeı túni-2022» dástúrli aksıasy talantty balalardyń bastamalary men jańashyl ıdeıalaryn qoldaýǵa baǵyttalǵan. Atalmysh aksıanyń negizgi bóligi «Talantty balalar sherýi» respýblıkalyq balalar festıvaline arnalady. Festıvalǵa respýblıkamyzdyń ár óńirinen óner, sport, mýzyka, shyǵarmashylyq jaǵynan halyqaralyq, respýblıkalyq konkýrstar laýreattary men talantty jasóspirimder qatysyp otyr. Atalmysh respýblıkalyq festıvál qorytyndysy nátıjesinde 16 nomınasıa boıynsha jas talanttarǵa marapatty elimizige belgili ǵylym, mádenıet jáne óner salasyndaǵy qaıratkerler tabystaıdy.
Mýzeı túniniń basty oqıǵasy «Kovorkıng balalar ortalyǵynyń» ashylýy. Ortalyqtyń jumysy balalardy mýzeı álemimen, ondaǵy tarıhı qundylyqtarmen tanystyrýǵa, sondaı - aq, shyǵaramashylyq bastamalar men balalardyń múmkindikterin ushtaýdy uıymdastyrýǵa baǵyttalǵan. Iaǵnı, balalardyń bos ýaqyttaryn (demalys) tıimdi uıymdastyrý, múltıplıkasıalyq fılmder kórý, kitap oqý, qazaq ulttyq oıyndary jáne dástúrli mýzykalyq aspaptarda oınaýdy úıretý baǵyttarynda jumys isteý. Kovorkıng balalar ortalyǵynyń basty demeýshisi KMF Mıkroqarjy uıymy jáne «KMF-Demeý» korporatıvtik qory (www.kmf.kz, https://www.demeufund.kz/). Sonymen birge «Jas ekskýrsovod», «Ólketanýshy» jáne «Birge sýret salaıyq» beıneleý óneri úıirmeleri ashylyp, mýzeı kúnine qatynasýshy balalar arasynan tegin qabyldanady.
MÝZEI TÚNİ BAǴDARLAMASYNDA: jandanǵan ekspozısıalar, mýzeı qoryndaǵy sırek kezdesetin qarý - jaraqtar koleksıasy negizinde «Er qarý bes qarý» kórmesi (XVIII-XIX ǵǵ.), «Bizdiń talanttylarymyz», «Meniń baqytty balalyq shaǵym» atty qalalyq beıneleý óner stýdıalarynyń balalar shyǵarmashylyǵy kórmesi, belgili fotograf M. Zolotýhınniń fotokórmesi jáne Qazaqstan Respýblıkasy mádenıet jáne sport mınıstrliginiń tapsyrmasy boıynsha konservasıadan jáne restovrasıadan ótkizilgen mádenı muralarymyzdyń kórmesi kórermen nazaryna alǵash ret usynylady. Belgili qazaqstandyq sýretshi-qalpyna keltirýshi, «Qyrym araly» ǵylymı-qalpyna keltirý zerthanasynyń negizin qalaýshy jáne jetekshisi, Qazaqstannyń eńbek sińirgen qaıratkeri - Qyrym Altynbekovtiń «Qaıta jarqyraǵan jaýharlar – Araly» kórmesi.
Konserttik baǵdarlama-qoıylymdar: J.Elebekov atyndaǵy Respýblıkalyq estrada-sırk koleji, «Kamerata Kazahstan» ansambli jáne Valentına Borovıkovanyń jetekshiligimen skrıpkashylar ansambli; O.Tańsyqbaev atyndaǵy Almaty sándik-qoldanbaly óner koleji men T.Q. Júrgenov atyndaǵy Qazaq Ulttyq Óner akademıasy stýdentteriniń sándik koleksıasynyń kórsetilimi jáne Qazaqstan-Japon ortalyǵynan orıgamı, kallıgrafıa, «fýroshıkı» óneri boıynsha sheberlik-sabaqtar. Sondaı - aq, merekelik is shara qonaqtary memlekettik orkestrler men balalar ujymdarynyń mýzykalyq shyǵarmashylyq konserterin tamashalaı alady.
Mýzeı qonaqtary Qazaq memlekettik sırkiniń qoıylymy, balalar defılesi, M.Grıbovanyń jetekshiligimen «HighTech Academy» shlápalyq defılesi, Almaty memlekettik servıs jáne tehnologıalar kolejiniń stılıstik shash úlgileri kórsetilimin tamashalaıdy.
Arnaıy balalar úshin Qazaqstan sýretshileri, sándik-qoldanbaly óner sheberleriniń qatysýymen sheberlik sabaqtar ótedi.
Mýzeı almatylyqtar men qala qonaqtaryn «Mýzeı túni-2022» aksıasynyń qyzyqty jáne tartymdy baǵdarlamalarymen tanysýǵa shaqyrady.