Jyl basynan beri Almatyda 95 myń medısınalyq qyzmet túrli kemshiliktermen kórsetilgen.
Máselen, dárigerler emdeý-dıagnostıka barysynda belgilengen standarttardan aýytqyǵan. Sondaı-aq medısınalyq qujattardy durys toltyrmaı, qyzmet baǵasyn negizsiz ósirý syndy olqylyqtardy jibergen, dep habarlaıdy Almaty-akshamy.kz.
Tipti, 10 mıllıon teńgege «kórsetildi» dep jazylǵan kómektiń shyn máninde kórsetilgenin rastaı almaǵan klınıkalar da bar bolyp shyqty.
Medısınalyq saqtandyrý qory talapqa saı jumys istemegen mekemelerge 629 mıllıon teńge aıyppul saldy. Qor mamandary stasıonarlar medısınalyq qyzmet kórsetýden bas tartqan jaǵdaıda birden habarlaýdy surady.
Eger pasıentke qajetti kómek kórsetýden bas tartylsa, onda olar ár medısınalyq uıymda qurylǵan pasıentterdi qoldaý jáne ishki saraptama qyzmetine júgine alady. Eger munymen de másele sheshilmese, onda azamat 1414 biryńǵaı baılanys ortalyǵyna nemese medsaqtandyrý qorynyń arnaıy saıtyna júginýi kerek. Sodan keıin qor mamandary suraqty sheshýge kirisedi. Bir nárseni eskerý kerek, shuǵyl medısınalyq kómek qajet bolǵan jaǵdaıda emdelýshiniń medsaqtandyrýdan ótkeni mańyzdy emes. Al eger josparly em-dom bolsa, dıagnostıkalyq tekserýlerdi kútý merzimi 10 kúnnen aspaýy tıis, -deıdi Medısınalyq saqtandyrý qory almaty qalalyq fılıalynyń dırektory Tileýhan Ábildaev.