Bul týraly OKQ brıfıńinde ákim Erbolat Dosaev málimdedi.
2023 jyly Memleket basshysynyń densaýlyq saqtaý ınfraqurylymyn damytý jónindegi tapsyrmasyn eskere otyryp, Almatyda 6 otbasylyq-dárigerlik ambýlatorıa paıdalanýǵa beriledi, dep habarlaıdy Almaty-akshamy.kz.
«Bıyl jańa standarttar boıynsha 2 nysan jańǵyrtylyp, 2024 jyly QMJ bastalýymen 7 emhana jobalanatyn bolady. Sondaı-aq, 2023 jyldyń qyrkúıeginde balalar shuǵyl medısınalyq kómek ortalyǵynyń operasıalyq blogy bar qabyldaý bólimshesi ashylady. Al 2024 jyldan bastap 10 stasıonardy jańǵyrtýdy bastaýdy josparlap otyrmyz. Búgingi tańda tıisti jobalyq qujattar daıyndalýda», - dedi Almaty ákimi.
Onyń aıtýynsha, densaýlyq saqtaý salasyndaǵy kadrlardyń tapshylyǵyn eskere otyryp, jyl saıyn 3 340 maman men 70 menedjerdi úsh deńgeıli oqytý baǵdarlamasymen qamtý kózdelgen, sondaı-aq dıplomnan keıingi daıarlyqqa 140 grant bólindi.