Jol ınfraqurylymynyń negizgi problemalary jol tóseminiń sapasy jáne jol lúkteriniń tómendeýi túrindegi aqaýlar bolyp qala beredi.
Bul týraly OKQ brıfıńinde Almaty ákimi Erbolat Dosaev málimdedi, dep habarlaıdy Almaty-akshamy.kz.
Atalǵan problemalardy sheshý úshin buryn, 2022 jyly pılottyq rejımde joldardyń sapasyn arttyrý maqsatynda asfáltbetonǵa polımerli qospalar túrindegi jańa materıaldar paıdalanyldy. Olar júktemelerge jáne klımattyq jaǵdaılarǵa tózimdi.
«Bıyl biz qalanyń 6 shaǵyn aýdanynda 25 shaqyrym jańa jol salýdy jáne 200 shaqyrymǵa ortasha jóndeý jumystaryn júrgizýdi josparlap otyrmyz. Osy jumystar aıasynda mehanıkalyq jáne temperatýralyq júktemelerge tótep beretin 8 myń " serpilisti" lúk ornatylady», - dep atap ótti Erbolat Dosaev.
Jańa tehnologıalardy qoldana otyryp, jol ınfraqurylymyn jańǵyrtý ortasha jóndeý júrgizý merzimin 5 jyldan 10 jylǵa deıin ulǵaıtýǵa múmkindik beredi.