Almatyda ótken demalys kúngi jármeńkelerge jarty mıllıon adam qatysty, - dep habarlaıdy Aqshamnews.kz tilshisi.
Jyl basynan beri Almatydaǵy demalys kúngi jármeńkelerge qalanyń 550 000-nan astam turǵyny men qonaqtary qatysty. Apta saıynǵy ýaqytsha saýda alańdarynda Almaty men Almaty oblysynyń 320-dan astam aýyl sharýashylyǵy óndirýshileri men fermerleri 1000-nan astam azyq-túlik taýarlaryn usynady. Olardyń ishinde kókónister, jemister, et, sút ónimderi, azyq-túlik, jumyrtqa, shujyq, bal, nan-toqash ónimderi men táttiler bar. Ónimder jármeńkege deldaldardy aınalyp ótip, tikeleı fermerler men óńdeýshi kásiporyndardan ákelinip otyrady, bul qol jetimdi baǵany ustap turýǵa múmkindik beredi.
Jármeńkelerdegi áleýmettik mańyzy bar azyq-túlik taýarlary naryqtyq baǵadan tómen baǵamen satylady. Jármeńkelerdi uıymdastyrýshy — «Almaty» ÁKK» AQ — jalǵa alýshylar usynǵan baǵalardy saqtaý maqsatynda saýda núktelerine turaqty monıtorıń júrgizedi.
Demalys kúngi jármeńkeler ár senbi jáne jeksenbi kúnderi saǵat 08.00-den 18.00-ge deıin megapolıstiń bes aýdanynda ótedi:
• Alataý aýdany — «Mádenıet» TÚK
• Almaly aýdany — Masanchı kóshesi, Gogol kóshesi men Áıteke bı kóshesi arasynda
• Áýezov aýdany — Abaı dańǵyly men Ótegen batyr kóshesiniń qıylysy
• Bostandyq aýdany — Qazaqfılm yqsham adýany, Isınalıev kóshesi
• Medeý aýdany — Meńdiqulov býlvary, Bekturov kóshesiniń buryshy