Almatynyń kommunaldyq qyzmetí nóser jańbyrǵa baılanysty kúsheıtílgen jūmys rejımíne auystyryldy, - dep habarlaıdy aqshamnews.kz.
«Qazgıdromet» RMK málímetínshe, Almatyda 20 mausym kúní saǵat 15:00-den bastap 21 mausym saǵat 02:00-ge deıín jańbyr jauady, keı jerlerde 20 mm-ge deıín qatty jauyn-shashyn, naızaǵaı, būrshaq jauuy múmkín. Meteorologtar bírneshe saǵat íshínde mausym aıyna tán jauyn-shashynnyń úshten bírínen astamy jauuy múmkín ekenín boljap otyr (mausym aıynyń normasy – 59 mm). Jel ońtústík-shyǵystan soltústík-batysqa auysyp, jyldamdyǵy 3-8 m/s, ekpíní 15-20 m/s-ke deıín jetedí. Kúndíz aua temperaturasy +28…+30 °S bolady.
20-nan 21 mausymǵa qaraǵan túní ótkínshí jańbyr men naızaǵaı jauady, kúndíz jauyn-shashyn bolmaıdy. Aua temperaturasy túnde +17…+19 °S, kúndíz +31…+33 °S.
22 mausym kúní – kóshpelí būlt shyǵady, kúndíz ótkínshí jańbyr men naızaǵaı boluy múmkín. Túnde aua temperaturasy +20…+22 °S, kúndíz +28…+30 °S.
Su basu qaupíníń aldyn alu maqsatynda 52 mobıldí jedel brıgada kezekshílíkke qoıyldy. Olar motopompa jáne qūral-jabdyqpen jabdyqtalǵan.
Audan ákímdíkterínde atqarylyp jatqan jūmystardy baqylau maqsatynda táulík boıy kezekshílík ūıymdastyrylady.
Kúndízgí uaqytta 426 arnaıy tehnıka, 26 motopompa jáne 895 jūmysshy jūmyldyrylǵan.
«Almaty qalasynyń qūtqaru qyzmetí» ShJQ MKK tarapynan 12 tehnıka jáne 55 qyzmetker, TJD tarapynan 58 tehnıka jáne 245 adam jūmyldyryldy.
Būǵan deıín kommunaldyq qyzmetter su kedergísíz aǵuy úshín aryq júıelerín, ótkelderdí jáne qoqysty súzíp alyp qalatyn qūral arqyly tazalau jūmystaryn júrgízgen.
Qala tūrǵyndary men qonaqtaryna ūsynystar:
* Aua raıynyń qolaısyzdyǵyna baılanysty tauǵa barmańyz.
* Aǵashtar qūlap, elektr jelílerí úzíluí múmkín bolǵandyqtan kólíktí jol jıegíne qoımańyz.
Aryqtardy, jańbyr suy aǵyndaryn jáne su aǵatyn arnalarǵa tūrmystyq qaldyqtar men qoqys tastamaudy ótínemíz.
Erejení būzushylar Qazaqstan Respublıkasy Ákímshílík qūqyq būzushylyq turaly kodeksíníń 505-baby – «Qalalar men eldi mekenderdiń aumaqtaryn kórkeıtu qaǵıdalaryn būzu, sondaı-aq qalalar men eldí mekender ınfraqūrylymy nysandaryn būzu, jasyl ekpelerín joyu jáne búldíru» boıynsha ákímshílík jauapkershílíkke tartylady.