Bóten bireýdiń múlkin asa iri mólsherde urlaǵan kúdikti Reseıden ekstradısıalandy, - dep habarlaıdy aqshamnews.kz.
Tergeý málimeti boıynsha ol 2015-2017 jyldar aralyǵynda Astana qalasy bankteriniń biriniń fılıalynyń jetekshi menedjeri bolyp, 31 mıllıon teńgeden asa qarajatty ıemdengen.
Qylmys jasaǵannan keıin kúdikti jasyrynyp, oǵan halyqaralyq izdeý jarıalanǵan.
Byltyr maýsymda izdeýde júrgen adam Reseı Federasıasynyń Máskeý qalasynda ustaldy. Qazaqstan Respýblıkasy Bas prokýratýrasynyń suraýy boıynsha Qazaqstanǵa ekstradısıalandy. Ol tergeý ızolátoryna qamalǵan.
Bul qylmysty jasaǵany úshin múlkin tárkilep, jeti jyldan on eki jylǵa deıingi merzimge bas bostandyǵynan aıyrý jazasy qarastyrylǵan.