Qazaqstan Respýblıkasy Oqý-aǵartý mınıstrliginiń qoldaýymen qysqa beınerolıkterdi ornalastyrýǵa arnalǵan jetekshi platforma TikTok-ta #QazaqstanMuǵalimderi nemese #ÝchıteláKazahstana baıqaýy bastaldy, dep habarlaıdy Almaty-akshamy.kz.
TikTok-taǵy tanymdyq kontent qazaqstandyq áleýmettik jeli qoldanýshylarynyń qyzyǵýshylyǵyn týdyryp, tanymal bolyp ketedi. Máselen, #kitaptok heshtegi boıynsha túsirilgen ádebıet týraly beınerolıkter qazirdiń ózinde el ishinde 70 mıllıonnan astam qaralym jınap úlgergen.
Baıqaýǵa TikTok-ta akkaýnty bar nemese ashýǵa nıetti barlyq mektep ustazdary, kolejder men joǵarý oqý oryndarynyń oqytýshylary qatysa alady. Osy jyldyń 1 qarashasy men 17 jeltoqsany aralyǵynda ótetin baıqaý kezinde pedagogter qysqasha tanymdyq beınerolıkterdi júktep salýy qajet. Beınematerıaldardyń uzaqtyǵy 30 sekýndtan kem bolmaýy tıis jáne olardy jarıalaý kezinde baıqaý heshtegterin qoldaný qajet: #qazaqstanmuǵalimderi nemese #ýchıtelákazahstana.
«TıkTokpen jasalatyn jobamyzdyń arqasynda Qazaqstan pedagogteri jastarmen, túrli jastaǵy ınternet paıdalanýshylarymen óz bilimderin shyǵarmashylyq jáne odan da qyzyqty úlgide bólisý múmkindigin ashady dep úmittenemiz. Bir qýantarlyǵy, pedagogter shet qalmaı, ǵylym men mektep pánderin keńinen nasıhattaýda onlaın platformalardy óz ıgiligine paıdalanýda. Biz qazirdiń ózinde Qazaqstandaǵy TikTok trendterinde kóptegen daryndy muǵalimderdi kórip júrmiz. #QazaqstanMuǵalimderi bastamasynyń maqsaty – kóp pedagogterdi bilim berýde jańa shyǵarmashylyq ádisterdi ashýǵa shabyttandyrý, oqýdyń qyzyqty ári kóńildi ekenin kórsetý jáne elimizdegi bilim berý mazmunyna qyzyǵýshylyqty arttyrý bolyp tabylady», - dedi Oqý-aǵartý mınıstrliginiń baspasóz hatshysy Mereke Nurmuhanova.
Qazylar alqasynyń músheleri quramynda jobanyń ambassadorlary, TikTok platformasy men Oqý-aǵartý mınıstrliginiń ókilderi bolady, olar baıqaý qatysýshylaryn tórt nomınasıa boıynsha baǵalaıdy:
•«TıkTok muǵalimi 2023». Mektepter men kolejderdegi muǵalimderge arnalǵan nomınasıa. Bul nomınasıa boıynsha kúrdeli ǵylymı ıdeıany, derekti nemese tujyrymdamany anyq ári túsinikti etip kórsetken eń kreatıvti rolık avtory jeńimpaz bola alady.
• «TıkTok oqytýshysy 2023»
Joǵary oqý oryndarynyń oqytýshylaryna arnalǵan nomınasıa. Bul nomınasıa boıynsha kúrdeli ǵylymı ıdeıany, derekti nemese tujyrymdamany anyq ári túsinikti etip kórsetken eń kreatıvti rolık avtory jeńimpaz bolady.
• «TıkToktaǵy jańalyq». Baıqaý aıasynda jarıalanǵan rolıkteriniń barlyǵy boıynsha eń kóp qaralym jınaǵan muǵalim jeńimpaz atanady. Oǵan mektepterdiń, kolejder men joǵary oqý oryndarynyń oqytýshylary qatysa alady.
•«Úzdik beınerolık». Baıqaý aıasynda jasalǵan beınerolıgi eń kóp qaralym jınaǵan oqytýshy jeńimpaz atanady.
Baıqaý jeńimpazdaryna jaqsy tanymdyq rolıkter túsirý jáne TikTok-ta damýy úshin iPhone 15 smartfondary syılyqqa beriledi.