Mamandar balanyń durys tamaqtanýyna mán berý kerektigin aıtýda
"Bala ómiriniń alǵashqy jyldarynda: mektepke deıingi jáne mektep jasynda tamaqtanýdyń buzylýy adam ómirin bes jylǵa qysqartady", - deıdi Reseıdiń Densaýlyq saqtaý mınıstrliginiń shtattan tys dıetology, RAN akademıgi Vıktor Týtelán.
Bul týraly ol "Izvestıa" basylymyna bergen suhbatynda aıtqan, dep habarlaıdy Almaty-akshamy.kz tilshisi
«Ómir esigin ashqan alǵashqy jyldary tamaqtaný tártibiniń buzylýy - bul adamnyń ómir súrý uzaqtyǵynyń eki jarym jylyn alyp tastaǵanmen birdeı. Mektepke deıingi jáne mektep kezeńde biz taǵy da eki jarym jyl joǵaltamyz. Jalpy, tamaqtaný mádenıetin kóterý kerek», - dep atap ótti ol.
Onyń aıtýynsha, el halqynyń jartysynda jekelegen dárýmenderdiń jetispeýshiligi baıqalady, 30 paıyzynda - polıvıtamındi jetkiliksizdik bar.
«Jalpy alǵanda, adamnyń azyq-túlikke jáne bıologıalyq belsendi zattarǵa degen barlyq qajettilikterin onyń energıa shyǵyna sáıkes, qanaǵattandyratyndaı tolyqqandy tamaqtaný kerek. Budan keıin deneniń kez kelgen jaǵymsyz faktorlarǵa, onyń ishinde vırýstarǵa qarsy turýǵa kómektesetin myqty ımýnıteti bar baza qalyptasady», - dep atap ótti sarapshy.