Alyp shahar Almaty úshin ekologıany jaqsartý mańyzdy mindetterdiń biri. Sondyqtan jasyl jelekterdi kútip-baptaýǵa erekshe kóńil bólinedi.
Degenmen bul eńbekti esh etkender de bar, dep habarlaıdy Almaty-akshamy.kz.
24.kz habarlaýynsha, 14 qazan kúni polısıaǵa Soltústik aınalma kóshesiniń boıyna otyrǵyzylǵan jasyl jelekterdi qasaqana joıýǵa qatysty aryz túsken. Tergep tekserý barysynda osy iske qatysy bar degen eki kúdikti ustaldy. Biri 38 jastaǵy Jetisý oblysynyń turǵyny. Ol buǵan deıin esirtkimen ustalyp isti bolǵan. Ekinshi azamat 31 jasta.
«Olar zańsyz áreketter jasaǵanyn moıyndady. Qylmystyń naqty sebebi tergeý barysynda anyqtalady»,-dedi polısıa.
«Japyraqty kóshetterdi zańsyz joıǵan eki azamat anyqtalyp, olar QK 340-baby 3-tarmaǵy boıynsha qylmystyq jaýapkershilikke tartyldy. Qazirgi tańda eki sezikti óz kinálaryn tolyq moıyndady. Jasaǵan is-áreketteriniń naqty sebepteri anyqtalyp, qazirgi tańda materıaldyq shyǵyndy óteýge baǵyttalǵan is-sharalar júrgizilýde», - deıdi qalalyq PD resmı ókili Saltanat Ázirbek.