«Qazgıdromettiń» boljamyna sáıkes, 17 maýsym kúni elimizdiń úsh qalasynda aýada zıandy zattardyń shoǵyrlanýy artýy múmkin, dep habarlaıdy aqshamnews.kz
Lastaný nege artady?
Sarapshylardyń aıtýynsha, bul jaǵdaı qolaısyz meteorologıalyq faktorlardyń áserinen týyndaıdy. Mundaı aýa raıy kezinde zıandy qospalar jer betine jaqyn qabatta jınalyp, uzaq ýaqyt boıy taralmaıdy.
Qolaısyz meteojaǵdaı nesimen qaýipti?
Qolaısyz meteojaǵdaı – aýada lastaýshy zattardyń taralýyna kedergi keltiretin tabıǵı qubylystar. Olarǵa mynalar jatady:
Tymyq aýa raıy;
Álsiz jel;
Tuman;
Temperatýralyq ınversıa.
Bul faktorlar ásirese ónerkásiptik aımaqtarda nemese tyǵyz qurylǵan aýdandarda aýanyń sapasyn nasharlatady. Mundaı jaǵdaılar adam densaýlyǵyna zıandy áser etýi múmkin – tynys alý joldarynyń aýrýlaryn ýshyqtyrady, alergıa nemese basqa da sozylmaly dertterdi qozdyrýy yqtımal.
Mamandar ne usynady?
Mamandar aýanyń lastaný deńgeıi joǵary kezde mynadaı keńester beredi:
Qajet bolmasa, syrtqa shyǵýdy shekteý;
Medısınalyq maska paıdalaný;
Balalar men qart adamdardyń densaýlyǵyna erekshe kóńil bólý.