Almaly aýdanyna jasaǵan jumys sapary aıasynda Almaty ákimi Darhan Satybaldy Muhtar Áýezov atyndaǵy Qazaq ulttyq drama teatrynda boldy. Qazirgi ýaqytta munda keń aýqymdy qaıta jańǵyrtý jumystary júrgizilip jatyr.
Teatrdy jańartý qajettiligi onyń tehnıkalyq jaı-kúıine baılanysty týyndaǵan. Keıbir qurylymdar seısmıkalyq qaýipsizdik talaptaryna saı kelmegen, ınjenerlik júıeler tolyq eskirgen, al ǵımarattyń qasbeti men ishki keńistikteri ábden tozǵan.
Merdiger kompanıa ókilderiniń málimetinshe, jobanyń basty ustanymy – teatrdyń tarıhı kelbetin saqtaý. Osyǵan baılanysty syrtqy qasbet qaıta jasalyp, ishki árleý jumystary – aspashamdar, barelefter, eden jabyny qalpyna keltiriledi.
Buǵan qosa, sahnalyq jabdyqtar jańartylyp, tehnıkalyq bólmeler zaman talabyna saı jabdyqtalady. Teatr ishinde artıser men qyzmetkerlerge arnalǵan jańa daıyndyq zaldary, jumys oryndary men qoıma qarastyrylady. Qaıta jańǵyrtý jumystaryn teatrdyń 100 jyldyq mereıtoıyna oraı, 2026 jylǵa deıin aıaqtaý josparlanyp otyr. Bul óner ordasy elimiz úshin mańyzdy mádenı nysan.
Darhan Satybaldy teatr mańyndaǵy aýmaqty kórkeıtý jobasymen de tanysty. Joba ulttyq naqyshty saqtaýǵa, mýzykalyq aspap beınesindegi shaǵyn sáýlet nysandaryn ornatýǵa jáne sándik alma aǵashtaryn egýge baǵyttalǵan.