2025 jylǵy 30 mamyrdaǵy buıryqpen Qazaqstan Respýblıkasy Joǵarǵy Sot Keńesiniń Tóraǵasy Joǵarǵy Sot Keńesi janyndaǵy Ádilet akademıasyna oqýǵa qabyldaý qaǵıdalaryna ózgerister engizdi, dep habarlaıdy aqshamnews.kz
Qaǵıdalarǵa mynadaı jańa norma qosyldy:
"Memlekettik bilim berý tapsyrysy aıasynda bólinetin oryndardyń sany magıstratýranyń ǵylymı-pedagogıkalyq jáne beıindi baǵyttary boıynsha Akademıa rektorynyń Joǵarǵy Sot Keńesiniń Tóraǵasymen kelisýi arqyly bólinedi".
"7M042 – Quqyq" kadrlar daıarlaý baǵyty boıynsha magıstratýraǵa qabyldaý kelesi túrde júzege asyrylady:
ǵylymı-pedagogıkalyq baǵyt boıynsha oqý merzimi – eki jyl;
beıindi baǵyt boıynsha oqý merzimi – bir jyl.
Buǵan deıin Ádilet akademıasynyń magıstratýrasyna tek "7M042 – Quqyq" baǵyty boıynsha bir jyldyq oqý merzimimen qabyldanǵan bolatyn.
Magıstratýraǵa túsetin tulǵalar qujattardy qabyldaý aıaqtalǵan sátte kelesi jasqa tolýy tıis:
ǵylymı-pedagogıkalyq baǵyt boıynsha – 28 jasqa;
beıindi baǵyt boıynsha – 29 jasqa.
Qujattardy tapsyrý:
Jeke kelip tapsyrǵan jaǵdaıda ótinish berýshi mynadaı qujattardy usynady:
jeke basyn kýálandyratyn qujat ne sıfrlyq qujattar servısinen alynǵan elektrondyq qujat (tulǵany sáıkestendirý úshin);
joǵary bilim týraly qujat nemese onyń qosymshasymen birge sıfrlyq qujattar servısinen alynǵan elektrondyq qujat;
memlekettik qyzmetshi bolyp tabylatyn tulǵalar úshin – jumys ornynan qol qoıylǵan joldama;
memlekettik qyzmetshiler úshin – quqyqtyq mamandyq boıynsha jumys ótilin rastaıtyn jumys ornynan anyqtama;
aımaqtyq kvota boıynsha jáne memlekettik qyzmetshi bolyp tabylmaıtyn tulǵalar úshin – eńbek qyzmetin rastaıtyn qujat;
075/Ý nysanyndaǵy medısınalyq anyqtama;
halyqaralyq shet tilin meńgerý sertıfıkaty (bar bolǵan jaǵdaıda) – ǵylymı-pedagogıkalyq baǵytqa túsetinder úshin.
Shetelde berilgen bilim týraly qujattar Qazaqstan Respýblıkasynyń zańnamasyna sáıkes tanylýy tıis. Shet tilindegi qujattar memlekettik nemese orys tiline notarıaldy kýálandyrylǵan aýdarmasymen qosa beriledi.
Elektrondyq úkimet portaly arqyly ("jeke kabınet" arqyly) tapsyrǵan jaǵdaıda usynylatyn qujattar:
ESQ-men kýálandyrylǵan elektrondyq ótinish;
joǵary bilim týraly qujattyń jáne onyń qosymshasynyń elektrondyq kóshirmesi;
memlekettik qyzmetshiler úshin – joldamanyń elektrondyq kóshirmesi;
quqyqtyq mamandyq boıynsha jumys ótilin rastaıtyn anyqtamanyń elektrondyq kóshirmesi;
memlekettik qyzmetshi emes tulǵalar úshin – eńbek qyzmetin rastaıtyn qujattyń elektrondyq kóshirmesi;
075/Ý nysanyndaǵy medısınalyq anyqtamanyń elektrondyq kóshirmesi;
shet tilin meńgerý sertıfıkatynyń elektrondyq kóshirmesi (bar bolsa) – ǵylymı-pedagogıkalyq baǵytqa túsetinder úshin.
Qujattardyń shynaıylyǵy men sertıfıkattardyń merzimi qabyldaý komısıasymen tekseriledi.
Qyzmet kórsetýshi tulǵany sáıkestendirý úshin qajetti derekterdi "elektrondyq úkimet" shlúzi arqyly memlekettik aqparattyq júıelerden alady.
Mamandyq boıynsha qabyldaý emtıhany úsh kezeńnen turady:
Keshendi testileý (Ulttyq testileý ortalyǵy bazasynda):
Ǵylymı-pedagogıkalyq baǵytqa túsetinder: shet tili testi (aǵylshyn, nemis nemese fransýz), bilim berý baǵdarlamalary toptary boıynsha beıindik test, oqýǵa daıyndyqty anyqtaý testi.
Beıindi baǵytqa túsetinder: tek beıindik test tapsyrady.
Keıs (jaǵdaıattyq tapsyrma) sheshý:
Azamattyq, qylmystyq jáne ákimshilik quqyq salalary boıynsha jaǵdaılyq tapsyrmalar.
Esse jazý.
Shet tilinen bosatylý: Ǵylymı-pedagogıkalyq baǵytqa túsýshiler kelesi halyqaralyq sertıfıkattardyń birine ıe bolǵan jaǵdaıda, shet tili boıynsha test tapsyrýdan bosatylady:
Aǵylshyn tili: IELTS Academic – keminde 6 bal, TOEFL iBT – keminde 60 bal;
Nemis tili: DSH nemese TestDaF – B2 deńgeıi;
Fransýz tili: TFI, DELF, DALF, TCF – keminde B2 deńgeıi.
Magıstratýraǵa qabyldaý: Ǵylymı-pedagogıkalyq jáne beıindi baǵyttar boıynsha memlekettik bilim berý tapsyrysy aıasynda magıstratýraǵa qabyldaý mamandyq boıynsha emtıhannyń úsh kezeńiniń jıyntyq balyna sáıkes konkýrs negizinde júzege asyrylady – aımaqtyq kvota boıynsha jáne jalpy tártippen bólek.
Aımaqtyq kvota boıynsha konkýrs nátıjesinde bos oryndar qalsa, olar magıstratýra baǵyty boıynsha jalpy konkýrs tártibimen qaıta bólinedi.
Sonymen qatar, memlekettik bilim berý tapsyrysy negizinde memlekettik qyzmetshilerge kórsetiletin bilim berý qyzmetteri týraly sharttyń keıbir tarmaqtaryna ózgerister engizildi.
Bul buıryq 2025 jylǵy 30 mamyrdan bastap kúshine endi.