Almatylyq polıseıler 17 jastaǵy bozbalany tonaǵan turǵyndy ustady.
Polısıa qyzmetkerleri shabýyl jasaǵan azamattyń “izin sýytpaı” ustady.
«Qylmys túngi saǵat 02:00 shamasynda Almatynyń Áýezov aýdanyndaǵy TÚ biriniń aýmaǵynda oryn aldy. 19 jastaǵy G. esimdi azamat ótip bara jatqan jas jigitti baıqap qalyp, kúsh kórsetemin dep qorqytyp, IPhone markaly telefonyn tartyp alǵan. Sol arqyly jábirlenýshige 300 myń teńge kóleminde materıaldyq zalal keltirgen. Jas jigit beıtanys bozbalanyń talabyn oryndaǵannan keıin qylmys týraly dereý polısıaǵa habarlaǵan. Osylaısha, qaraqshylyq shabýyldyń betin ashyp, kúdiktini ustaýǵa múmkindik týdy», – deıdi Almaty qalalyq PD krımınaldyq polısıa basqarmasynyń bastyǵy Qýatbek Naýatov.
Spıkerdiń aıtýynsha, ustalǵan azamattyń basqa da osyǵan uqsas zańsyz áreketterge qatysy bar-joǵy tekserilip jatyr. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-babynyń 1-bóligine sáıkes, sottyń zańdy kúshine engen úkimimen onyń qylmystyq quqyqbuzýshylyq jasaýdaǵy kinási anyqtalǵanǵa deıin árkim kinásiz dep esepteledi.