Oqý-aǵartý mınıstri 2022-2023 oqý jylyn aıaqtaý jáne oqýshylardy qorytyndy atestattaýdan ótkizý merzimin bekitý týraly buıryqqa qol qoıdy.
Bul týraly Oqý-aǵartý birinshi vıse-mınıstri Sholpan Karınova áleýmettik jelide jazdy, dep habarlaıdy Almaty-akshamy.kz.
Qujatqa sáıkes, orta bilim berý uıymdaryndaǵy oqý sabaqtary 2023 jyldyń 31 mamyrynda aıaqtalady.
9 (10) synyptarda bilim alýshylardyń qorytyndy bitirý emtıhandary 2023 jylǵy 2-13 maýsym aralyǵynda ótkiziledi.
11 (12) synyptarda bilim alýshylardyń memlekettik bitirý emtıhanynda 2023 jylǵy 5-19 maýsym aralyǵynda baqtaryn synap kóredi.
9 (10)-synyp oqýshylary úshin qorytyndy atestattaýdy ótkizý merzimi:
oqytý tili boıynsha esse nysanynda jazbasha emtıhan, gýmanıtarlyq sıkl pánderin tereńdetip oqytatyn mektepter úshin – jazbasha jumys (maqala, áńgime, esse) – 2023 jylǵy 2 maýsym;
matematıka (algebra) boıynsha jazbasha emtıhan (baqylaý jumysy) – 2023 jylǵy 6 maýsym;
ózge tilderde oqytatyn synyptarda qazaq tili men ádebıeti boıynsha jazbasha emtıhan (mátinmen jumys, mátin boıynsha tapsyrmalardy oryndaý) jáne qazaq tilinde oqytatyn synyptarda orys tili men ádebıeti boıynsha jazbasha emtıhan (mátinmen jumys, mátin boıynsha tapsyrmalardy oryndaý) – 2023 jylǵy 9 maýsym;
tańdaý páni boıynsha jazbasha emtıhan (fızıka, hımıa, bıologıa, geografıa, geometrıa, Qazaqstan tarıhy, dúnıejúzi tarıhy, ádebıet (oqytý tili boıynsha), shet tili (aǵylshyn/fransýz/nemis), ınformatıka) – 2023 jylǵy 13 maýsym;
11 (12) synyp oqýshylary úshin qorytyndy atestattaýdy ótkizý merzimi:
oqytý tili boıynsha jazbasha emtıhan – 2023 jylǵy 5 maýsym;
algebra jáne analız bastamalary boıynsha jazbasha emtıhan – 2023 jylǵy 8 maýsym;
Qazaqstan tarıhy boıynsha aýyzsha emtıhan – 2023 jylǵy 12 maýsym;
ózge tilderde oqytatyn synyptarda qazaq tili men ádebıetinen jáne qazaq tilinde oqytatyn synyptarda orys tili men ádebıetinen jazbasha emtıhan – 2023 jylǵy 15 maýsym;
tańdaý páni boıynsha jazbasha emtıhan (fızıka, hımıa, bıologıa, geografıa, geometrıa, dúnıejúzilik tarıh, quqyq negizderi, ádebıet (oqytý tili boıynsha), shet tili (aǵylshyn/fransýz/nemis), ınformatıka) – 2023 jylǵy 19 maýsym.
Oblystardyń, Astana, Almaty jáne Shymkent qalalarynyń bilim basqarmalary oqý jylyn uıymdasqan túrde aıaqtaý boıynsha tıisti sharalardy uıymdastyrady.