Almatyda urlyqtyń 6 deregine qatysy bar ekeý ustaldy.
Olardyń bóten adamnyń múlkin urlaýdyń kem degende alty deregine qatystylyǵy anyqtaldy, dep habarlaıdy Almaty-akshamy.kz Polisia.kz-ke silteme jasap.
«Jedel izdestirý is-sharalary barysynda 26 jastaǵy A. esimdi azamat jáne 22 jastaǵy D. esimdi azamat ustaldy. Er adamdar iri saýda úıiniń býtıkterinen birneshe urlyq jasady degen kúdikke ilingen. Tergeýdiń osy kezeńinde kúdiktilerdiń osyndaı urlyqtyń 6 epızodyna qatysy bar ekeni anyqtaldy. Ustalǵan adamdar bul qylmystarǵa qatysy baryn joqqa shyǵarmaıdy. Atalǵan derek QR QK-niń 188-baby 3-bóliginiń 2,3-tarmaǵy boıynsha sotqa deıingi tergeýdiń biryńǵaı tizilimine engizilgen. Eki jigit qalanyń basqa aýdandarynda jasalǵan osyǵan uqsas qylmystarǵa qatysy bar-joǵyna tekseriletin bolady. Qazir olar qamaýda», – dedi Áýezov aýdandyq polısıa basqarmasynyń bastyǵy Ulan Ábilqaıyr.