Erekshe talant ıesiniń kórmesi Parıjdegi Qazaqstan elshiliginde, Fransıa senaty men Strasbýrgtegi Eýropa keńesinde ótti.
Káripbek Kúıikov Semeı polıgonynan júz shaqyrymdaı jerde ornalasqan Egindibulaq aýylynda dúnıege kelgen. Eki qoly joq azamat óz týyndylaryn tispen, keıde bashpaılarymen salady. Sýretteri arqyly ol ajdaha qarýdan azat bolýdy, Qazaqstannyń antıadrolyq ustanymyn nasıhattap júr, dep habarlaıdy Almaty-akshamy.kz.
Káripbektiń Fransıaǵa sapary men kórmesin uıymdastyrý úshin, osy eldegi qazaqstandyqtar qarjylaı qoldaý kórsetken.
«Kórme meniń jan dúnıemdi dúr silkindirdi. Iadrolyq qaýip máselesi qazir óte ózekti. Iadrolyq synaqtyń zardaby osynsha aýyr bolatynyn, halyqqa qandaı qasiret ákeletinin oılanbaımyz. Bul kórme adamzatty izgi oılarǵa jeteleıdi degen úmittemin», - deıdi kórmege kelýshi Brıs Masseks.
«Sýretter qatty tolqytty. Pozıtıvti kórinister, janyńdy jadyratqanmen, bomba, qıraǵan, qasiret shekken azamattardyń beınesi kóńilińdi qulazytady. Álemde tek beıbitshilik bolsynshy», - deıdi kórmege kelýshi Esma Shamsanı.