Qylmystyq óndiris Almaty oblysy İle aýdanyndaǵy úılerdiń birinde ornalasqan, dep habarlaıdy Almaty-akshamy.kz Polisia.kz-ke silteme jasap.
«36 jastaǵy J.esimdi azamat pen 29 jatsaǵy J.esimdi azamatsha ustaldy. Olar erli-zaıyptylar bolyp shyqty. Jaldamaly baspanasynan eki keliden astam untaqty zat, 7 lıtr suıyqtyq quıylǵan shyny kolba, kanıstrdegi 40 lıtrge jýyq hımıalyq zattar, 7 kelige jýyq untaqtalǵan hımıalyq zattar, esirtkini satýshylardyń sıntetıkalyq esirtki – mefedron jasaý kezinde paıdalanǵan ósimdikteri bar túpteri men quraldary tabyldy. İsker jup nusqaýlyqtardy ınternet arqyly, al shıkizattardy jasyrylǵan oryndardan alǵanyn aıtty. Ustalǵandardyń aıtýynsha, “jumys berýshi” sıntetıkalyq esirtkiniń ár kelisi úshin 1 mıllıon teńge kóleminde syıaqy berýge ýáde etken», – dedi Almaty qalalyq PD Esirtki qylmysyna qarsy kúres basqarmasynyń bastyǵy Erlan Álmaǵambetov.
Atalǵan derek QR QK-nyń 297-baby 1-bóligi boıynsha sotqa deıingi tergeýdiń biryńǵaı tizilimine tirkeldi. Aıǵaqty zattar tárkilenip, sot-hımıalyq saraptamaǵa jiberildi. Qylmystyq isti aýmaqtyq bólinisi boıynsha Almaty oblysy İle aýdanynyń polısıa basqarmasy tergep jatyr