Almatyda SHOB taǵy 2 myń jańa jobalaryn qoldaý úshin 70 mlrd teńgeden astam qarajat bólinedi
940 myńnan astam almatylyqtar SHOB salasynda jumys isteıdi. Bul týraly Ortalyq komýnıkasıalar qyzmetinde ótken brıfıń barysynda Almaty ákimi Erbolat Dosaev málimdedi, dep habarlaıdy aqshamnews.kz
Almaty ekonomıkasyn ártaraptandyrýdyń basty draıveri shaǵyn jáne orta bıznesti damytý bolyp tabylady.
"Búginde bul salada qalada jumyspen qamtylǵandardyń jalpy sanynyń 85% - dan astamy nemese 942 myńǵa jýyq almatylyqtar jumys isteıdi", - dep atap ótti qala basshysy.
SHOB-ty damytýǵa 2024 jyly búdjetten 1,8 myń jańa jobany qoldaý úshin 53,1 mlrd teńge bólindi, 2025 jylǵa 71 mlrd teńge bólý josparlanýda, bul SHOB-tyń taǵy 2 myń jańa jobasyn qoldaýǵa múmkindik beredi.
"Bizdiń maqsatymyz – qala ekonomıkasyna shaǵyn jáne orta bıznestiń úlesin 2024 jylǵy 60% - dan 2030 jylǵa qaraı 75% - ǵa deıin arttyrý", - dep atap ótti Erbolat Dosaev.