18 jeltoqsanda Almatyda Qazaq Dermatologıa jáne ınfeksıalyq aýrýlar ǵylymı ortalyǵy (QDIAǴO) jáne «Epıdemıalyq baqylaýǵa qol jetkizý jáne qoldaý» (USAID) EpiS jobasy «PrEP. PrER (KDP) týraly habardarlyqty arttyrýǵa baǵyttalǵan «Ómir yrǵaǵynda bolý óz qolyńda» atty aqparattyq naýqandy bastady, dep habarlaıdy aqshamnews.kz
PrEP nemese kontaktige deıingi profılaktıka - adamnyń ımmýntapshylyq vırýsy ınfeksıasynsyz (AITV) adamdar ony únemi qoldanǵan jaǵdaıda AITV-nyń berilýin boldyrmaýdyń tıimdi ádisi. Kontaktige deıingi profılaktıkany tańdaý - ınfeksıa qaýpi bar kez kelgen adam paıdalana alatyn quqyq. PrEP máni - Tenofovır/emtrısıtabın preparatyn kúndelikti qabyldaýda, ol tegin beriledi. Álemdik zertteýler kórsetkendeı, PrEP preparattary AITV juqtyrý qaýpin 99%-ǵa tómendetedi.
"- Ózderińiz biletindeı, elde AITV negizinen halyqtyń negizgi toptarynda taralady. Sondyqtan, PrEP, eń aldymen, esirtki qoldanatyn adamdarǵa, ermen jynystyq qatynasqa túsetin erkekterge, seks jumysshylarǵa, trans adamdarǵa, dıskordantty juptarǵa (seriktestiń birinde AITV bar) qatysty. Preparattardy AITV-nyń aldyn alý jónindegi óńirlik ortalyqtardan, úkimettik emes qoǵamdyq uıymdardan tegin jáne qupıa túrde alýǵa bolady. Mıgranttar dárihanalarda AITV-ınfeksıasynyń aldyn alý ortalyqtary nemese jeke medısınalyq ortalyqtar dárigerleriniń reseptisi boıynsha satyp ala alady", – dep atap ótti is-sharanyń ashylýynda QDIAǴO dırektorynyń mindetin atqarýshy Ulyqbek Medeýbekov.
Aqparattyq naýqannyń maqsaty-kúndelikti ómirdiń bir bóligi retinde PrEP-ti normaǵa aınaldyrý jáne AITV-nyń aldyn alýǵa sanaly kózqarasty qalyptastyrý. Bastama habardarlyq deńgeıin arttyrýǵa, adamdardy stıgmaǵa baılanysty kedergilerdi azaıtýǵa jaýapty sheshimder qabyldaýǵa yntalandyrýǵa baǵyttalǵan. Naýqan 18 jastan asqan adamdarǵa baǵyttalǵan jáne PrEP qoldaný tóńiregindegi stıgmany azaıtýǵa baǵyttalǵan, ony óz densaýlyǵyn qorǵaý úshin belgili jáne qol jetimdi tańdaý retinde kórsetedi. Naýqannyń kórneki tujyrymdamasy PrEP-ti qoldanýdyń qarapaıymdylyǵy men yńǵaılylyǵyna basa nazar aýdarady, ony jarqyn foto jáne beınekontentpen tolyqtyrady.
Jyl boıyna jalǵasatyn aqparattyq naýqannyń negizgi sátteri: aýdıtorıany PrEP artyqshylyqtary men qoljetimdiligi týraly habardar etý, blogerlerdiń qatysýymen tanymal etý, áleýmettik jelilerde keshendi jyljytý.
"PrEP. Ómir yrǵaǵynda bolý óz qolyńda" PrEP sıaqty ınovasıalyq profılaktıkalyq ádisterdiń qoljetimdiligi men qolaılylyǵyn qamtamasyz ete otyryp, Qazaqstanda AITV-ınfeksıasyna qarsy is-qımyl jónindegi ulttyq strategıany iske asyrýǵa baǵyttalǵan kúsh-jigerdi qoldaıdy.