Almaty №2 qalalyq perınataldyq ortalyqta búgin úshem dúnıege keldi, dep habarlaıdy Almaty-akshamy.kz
Naýqas shuǵyl túrde tolǵaqpen qabyldandy, barlyq qajetti aspaptyq tekserý júrgizildi, sodan keıin naýqasqa kesar tiligi jasaldy.
Otany óz isiniń mamandary - hırýrgtar: Azamat Erjanov pen Baqyt Ábisheva júrgizdi. Ota sátti ótti. Nátıjesinde salmaǵy 2360 jáne 2420 gram bolatyn eki ul, salmaǵy 2050 gram bolatyn qyz dúnıege keldi.
Uldardyń biri, týǵannan keıingi jaǵdaıǵa baılanysty, bir apta boıy reanımasıa bóliminde neonatologtardyń táýlik boıy baqylaýynda boldy, onda oǵan barlyq qajetti medısınalyq emdeý júrgizildi. Týǵannan keıin basqa balalardyń jaǵdaıyna eshteńe qaýip tóndirmedi jáne olar jańa týǵan nárestelerdiń patologıa bóliminde anasynyń janynda boldy.
Óz kezeginde, úshemniń anasy medısına qyzmetkerlerine alǵys bildirip, olardyń kásibıligi jáne qoldaýyna rıza boldy.
"Joǵary kásibıliktiń, erekshe zeıinniń jáne qurmetpen qaraýdyń arqasynda men balalarymdy dúnıege ákeldim. Men barlyq medısına qyzmetkerine qıyn, jaýapty eńbegi úshin shyn júrekten alǵys bildirgim keledi, olardyń arqasynda meniń balalarym qazir menimen birge jáne biz úıge shyqqaly jatyrmyz",- dep atap ótti ana.