Qala turǵyndaryna eskertý jasaldy.
Sınoptıkterdiń boljaýynsha, qalada 2024 jyldyń 13 naýryzynda qolaısyz aýa raıy bolady, dep habarlaıdy Almaty-akshamy.kz
Almaty qalalyq Tótenshe jaǵdaılar departamenti qala turǵyndary men qonaqtaryna mańyzdy eskertý jasady. Sınoptıkterdiń boljaýynsha, qalada 2024 jyldyń 13 naýryzynda qolaısyz aýa raıy saqtalady.
"13 naýryzda túnde Almatyda, sondaı-aq taýly aımaqtarda qatty jaýyn-shashyn, jańbyr, qar kútiledi. Taýly aımaqtarda soltústik-batystan jel soǵady, naızaǵaı kezinde jeldiń ekpini 15-20 metrge deıin jetedi" delingen taratylǵan habarlamada.
Sarapshylar jeke qaýipsizdik sharalaryn saqtaýdy jáne taýǵa barýdan bas tartýdy usynady.
Taýly aımaqtarǵa serýendeýdi aýa raıy qolaıly bolǵansha keıinge qaldyrǵan durys.
Úıge qaıtýdy keshke qaldyrmańyz, qaıta jol taba almaýyńyz múmkin.
Sizdiń rúkzaktaryńyzda mynalar bolýy kerek: jyly kıimder, tótenshe jaǵdaıda alǵashqy kómek kórsetýge arnalǵan qobdısha jáne GPS navıgatory da jaqsy ıdeıa bolar edi.
Eshqashan taýǵa jalǵyz shyqpańyz!
«Otbasyńyz ben dostaryńyzdy taý baǵyty men yqtımal ornalasqan jeri týraly múmkindiginshe egjeı-tegjeıli habardar etý óte mańyzdy», dep keńes beredi Tótenshe jaǵdaılar departamenti.