Arnaıy joba ázirlendi.
Almatyda 2022 jyly 1066 kóshege syrtqy jaryqtandyrý júıesi ornatylady, dep habarlaıdy Almaty-akshamy.kz QazAqparatqa silteme jasap.
Qala ákimdigi baspasóz qyzmetiniń málimetinshe, 2019-2022 jyldarǵa arnalǵan «Almaty qalasynyń syrtqy jaryq jelilerin modernızasıalaý» memlekettik-jekeshelik áriptestik sharty aıasynda 41 magıstraldy kóshede eski syrtqy jaryq jelileri jańardy, jańa baǵanalar ornatyldy, 15 myńnan astam sham aýystyryldy.
Bul qurylǵylardy aýystyrý jyl saıyn elektr energıasyn 20%-ǵa únemdeıdi.
2022 jyly 24 kósheni jańǵyrtý josparlanǵan, onyń aıasynda 5 myńǵa jýyq sham aýystyrylatyn bolady.
Sonymen qatar Almatyda «Shetsiz qala» baǵdarlamasyna sáıkes, 2020 jyly 1423 kóshege syrtqy jaryq jelileri júrgizildi. Byltyr 601 kóshege (4 aýdan: Almaly, Áýezov, Bostandyq, Medeý) syrtqy jaryq jelileri júrgizilip, jaryq shamdary ornatyldy.
Bıyl 1066 ishinara jaryqtandyrylmaǵan kóshege jaryq shamdary ornatylady.
«Qalanyń aýla aýmaqtaryn jaryqpen qamtamasyz etý boıynsha joba ázirlendi. Qazirgi ýaqytta qalanyń 486 aýla aýmaǵynda qurylys jumystaryn júrgizý úshin merdiger uıymdy anyqtaý boıynsha konkýrstyq rásimder júrgizilýde», - dep habarlady ákimdikten.