Qazaqy rásim kezinde aǵylshyn tilinde sóıleýine ne sebep bolǵany belgisiz.
Áleýmettik jelide jańa túsken kelinniń bosaǵa attaǵannan keıingi rásimin júrgizgen ájeniń vıdeosy tarady, dep habarlaıdy Almaty-akshamy.kz Turkystan.kz silteme jasap.
Vıdeoda bir qolymen maı, bir qolymen tútindegen adyraspan ustap, kelinge ózin tanystyryp jatqan egde jastaǵy áıel kelinine aǵylshyn tilinde bata beredi.
«40 jyldan beri aǵylshyn pániniń muǵalimi bolyp jumys istedim. Baqytty bolyńdar! Úbirli-shúbirli bolyńdar», – dedi aqjaýlyqty ana aǵylshyn tilinde.
Osy sátke kýá bolyp otyrǵan jigittiń týǵan-týystary qyran-topan kúle jóneldi. Endi ǵana bosaǵa attaǵan kelin basyn ızep, rıza keıippen oń qolyna maı alyp, janyp jatqan adyraspanǵa tastady. Tútinge qolyn tosyp, betin sıpady.
Aǵylshyn tilinde saıraǵan apa: «Adal kelin bol! Baqytty bolyńdar!» - dep qazaq tilinde de tilegin aıtty.
Úlken kisiniń qazaqy rásim kezinde aǵylshyn tilinde sóıleýine ne sebep bolǵany belgisiz. Biraq biz jańa túsken kelinniń aǵylshyn pániniń muǵalimi bolýy múmkin degen oıǵa keldik.
Jeli qoldanýshylary vıdeodaǵy rásimniń tabaldyryqta jasalýy kerektigin aıtty. Sondaı-aq kelinniń úlken adamǵa tik qarap, ornynan turmaı qoıǵanyn da synǵa aldy.
Olar «Bul apa Túlkibastaǵy Jaskeshý aýylynda turady», «Kelinniń otyryp alǵany nesi?!», «Apa jaraǵan» dep jazdy.
Posmotret etý pýblıkasıý v Instagram