Bitimgerlik operasıalar ortalyǵynda elimizdiń Qorǵanys, Tótenshe jaǵdaılar mınıstrlikteri men Ulttyq ulannyń, sondaı-aq Germanıa, Iordanıa, Qytaı, Týnıs, Túrkıa jáne Fransıa Qarýly kúshteriniń áskerı qyzmetshileri BUU-nyń «Beıbit turǵyndardy keshendi qorǵaý» halyqaralyq sertıfıkattalǵan kýrsynan ótip jatyr, dep habarlaıdy Almaty-akshamy.kz Qorǵanys mınıstrligine silteme jasap.
Sabaqtar prezentasıalyq túrde, ári beınematerıaldardy qoldaný arqyly aǵylshyn tilinde ótýde. Onda tyńdaýshylardy BUU bitimgerlik operasıalaryndaǵy beıbit turǵyndardy qorǵaý tujyrymdamasynyń negizgi erejelerimen tanystyryp, áleýmettik osal toptardyń qaýipsizdigin josparlaý, uıymdastyrý jáne qamtamasyz etý kezindegi jumys tártibine túsiniktemeler beredi.
– Qarýly qaqtyǵystarda beıbit turǵyndar arasynan da qurban bolatyndar az emes. Sondyqtan BUU Qaýipsizdik keńesi BUU mısıalaryna qatysýdy josparlap otyrǵandar úshin ótýi qajet osy oqytý kýrsyn engizdi, – dep túsindirdi kýrs jetekshisi - ortalyqtyń bitimgerlik daıyndyq basqarmasynyń ofıseri maıor Serik Jumabekov.
Daıyndyq barysynda ortalyq nusqaýshylary men BUU qurylymdarynyń mamandary aralas senarıler arqyly máselelerdi sheshýdi pysyqtaıdy. Olar sonymen birge top quramynda ártúrli jaǵdaılarda týyndaıtyn problemalyq máselelerdi talqylap, sodan keıin plenarlyq otyrystarda olardy sheshý joldaryn qarastyrady.
– Bitimgerler kóbinese qatal klımattyq jaǵdaılarda jáne shekteýli resýrstar sheńberinde beıbit turǵyndardy qorǵaýdy qamtamasyz etedi, – dep atap ótti BUU-nyń eki mısıasynda jumys tájirıbesi bar jeke daıyndyq qyzmetiniń bastyǵy maıor Arman Tastanbekov. – Sonymen qatar tez ózgeretin ortada qaýipsizdik turǵysynan táýekelder paıda bolady. Biz munyń bárin bilim alýshylarǵa jetkizemiz.
Sabaq barysynda tyńdaýshylar qarýly qaqtyǵystardaǵy adam quqyqtarynyń buzylý túrlerimen tanysyp, gýmanıtarlyq kómek kórsetý úshin qolaıly jaǵdaılar jasaý aspektilerin, sondaı-aq kúsh-qýat qorǵanysyn qamtamasyz etý jáne azamattardyń túrli zorlyq-zombylyq túrlerinen qorǵaý qaǵıdattaryn zerdeleıdi