Alserovtar jubynyń otaý qurǵandaryna 14 jyl boldy.
Olar qyzmette tanysty. Otaǵasy – Aslan JQAJ-da, Araılym – Bostandyq aýdandyq polısıa basqarmasynda qyzmet etedi. Búginde olar jeti balanyń ata-anasy.
– Biz Aslannyń ata-anasynyń qoldaýymen balalardy tárbıeleý men polısıa qyzmetkeri bolyp jumys isteýdi ushtastyryp otyrmyz. Osy úshin olarǵa úlken raqmet. Balalar – bizdiń maqtanyshymyz. Olar oqýda, sportta, shyǵarmashylyqta jetistikke jetýde. Aıtpaqshy, búkil otbasymyzben sportpen aınalysamyz – bul bizdi biriktiredi, – dedi Araılym Alserova.
Aslan men Araılym qyzmette jaqsy bedelge ıe: olardyń adal qyzmeti jas polıseılerge úlgi. Alserovtar januıasy úlgili otbasy retinde de kópke úlgi.
– Biz Antymyzǵa adal, mamandyǵymyzǵa berikpiz. Polısıa formasyn kıip, azamattardyń qaýipsizdigin saqtaý biz úshin úlken maqtanysh, – dep túıindedi, kópbalaly ana.
Aqparat kózi Polisia.kz saıtynda: https://polisia.kz/almatyda-erli-zajypty-tartip-saqshylary-7-balany-tarbielep-otyr/