Ult saý bolǵanda, qoǵam úılesimdi damıdy.
Aǵymdaǵy jylǵy 16 qarashada Memleket basshysynyń qala halqymen kezdesýde bergen tapsyrmasy boıynsha qalanyń jańa stasıonarlaryn salýdy jobalaý jáne qoldanystaǵy stasıonarlardy qaıta qurylymdaý josparlanýda, dep habarlaıdy Almaty-akshamy.kz.
Máselen, Ortalyq qalalyq klınıkalyq aýrýhananyń jańa korpýsyn salý, qalamyzdyń 10 kópsalaly aýrýhanasy men bosandyrý uıymdaryn jańǵyrtý solardyń qatarynda. Budan basqa, Alataý aýdanynda perzenthanasy bar 500 oryndyq kópbeıindi aýrýhanany jobalaýdy bastaý jáne memlekettik-jekeshelik áriptestik mehanızmi boıynsha Medeý aýdanynda 200 oryndyq kópbeıindi aýrýhana salýdy bastaý josparlanýda. Jobalaý maqsatyna 2023 jylǵa arnalǵan búdjet jobasynda 1,6 mlrd. teńge kózdeledi.
Ákimdiktiń bastamasy boıynsha 2023 jyly Almaty qalasynyń biryńǵaı emhanalar standarty ázirlenedi, ol aldymen jańa obektilerdi salý kezinde engizilip, keıin jumys istep turǵan emhanalarǵa qoldanylady. 2023 jyly 6 jańa emhana men 3 otbasy-dárigerlik ambýlatorıany jobalaý maqsatyna 437,3 mln. teńge, 4 otbasy-dárigerlik ambýlatorıany salýdy bastaýǵa 3,2 mlrd. teńge kózdeldi.