Qalanyń Medeý aýdanynyń polısıa qyzmetkerleri alaıaqtyq jasady jáne bótenniń múlkin urlady degen kúdikpen jergilikti turǵyndy ustady, dep habarlaıdy aqshamnews.kz.
Bul týraly Almaty qalasynyń Polısıa departamenti málim etti.
«Birinshi jaǵdaıda ol kompúterlik klýbqa kelýshini aldap, onyń uıaly telefonyn tartyp alǵan. Taǵy bir jaǵdaıda qalalyq meshitterdiń biri qylmystyq is-áreket alańyna aınaldy. Erkin kirý múmkindigin paıdalanǵan qaskóı bóten bireýdiń uıaly telefonyn urlap, izin sýytqan. Onyń bul áreketi kameraǵa túsip qalǵan. Jedel is-sharalardyń nátıjesinde kúdikti ustaldy. Ol qamaýǵa alyndy», - dedi, Medeý aýdandyq PB-na qarasty polısıa bóliminiń bastyǵy, polısıa maıory Eldos Baqbergenov.
QR QK-niń 201 babyna sáıkes ózge aqparat tergeý múddesine oraı jarıa etilmeıdi.
QR Konstıtýsıasynyń 77 baby 3-bólimi, 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.