Almaty polıseıleri birqatar urlyq jasaǵan 22 jastaǵy jigitti ustady.
Tergeýdiń osy kezeńinde jas jigittiń 5 urlyqqa qatysy bar ekendigi belgili boldy, dep habarlaıdy Almaty-akshamy.kz Polisia.kz-ke silteme jasap.
"Kúdiktiniń urlyq kezindegi áreketi kameralarǵa jazylyp qalǵan. Ustalǵan azamat óz kinásin moıyndap, zańsyz baıý maqsatynda qylmys jasaǵanyn aıtty. Ol qaraýsyz qalǵan kólikterdi anyqtap, olardy urlap ketken. Bótenniń múlkin jasyryn urlaý deregi boıynsha sotqa deıingi tergeý amaldary júrgizilip jatyr. Jedel jáne tergeý sharalary jalǵasýda. Kúdikti qamaýǵa alyndy", — dedi Áýezov aýdandyq polısıa basqarmasynyń bastyǵy Ulan Ábilqaıyr.
QR QK-niń 201-babyna sáıkes ózge aqparat tergeý múddesine oraı jarıa etilmeıdi. QR Konstıtýsıasynyń 77-baby 3-bólimi 1-tarmaǵy, QR QK-niń 19-baby 1-tarmaǵyna saı kez kelgen azamat sot sheshimi zańdy kúshine engenge deıin kinásiz dep sanalady.