Qalanyń Bostandyq aýdanynyń polıseıleri, alaıaqtyq áreketin jasap, sengish azamattardyń aqshasyn ıemdenip ketken 23 jastaǵy áıeldi ustady.
Bul týraly Polisia.kz saıty málimdedi, dep habarlaıdy aqshamnews.kz.
– Birqatar ýnıversıtetterdiń doktorantýrasy men magıstratýrasyna túsirýde ózin «maman» retinde usynǵan kúdikti áleýmettik jelide tıimdirek sharttarmen ǵylymı dáreje alýǵa kómektesetini týraly habarlandyrý jarıalaǵan. Bir «klıentten» 500 myńnan 1 mıllıon teńgege deıin syıaqy alǵany belgili boldy. Sotqa deıingi tergeýdiń osy kezeńinde onyń qatysýymen 7 aldaý deregi tirkeldi. Kúdikti qamaýǵa alyndy, – dedi Bostandyq aýdandyq polısıa basqarmasynyń bastyǵy Dıdar Ahanov.
Polıseıler kúdiktiniń qylmystyq áreketinen zardap shekkenderdi Bostandyq aýdandyq PB-ǵa nemese myna telefondar arqyly habarlasýǵa shaqyrady: 8-747-909-65-45; 8-775-766-77-00 jáne 8-701-233-47-90.