"Azamattarǵa arnalǵan úkimet" memlekettik korporasıasy" KEAQ baspasóz qyzmeti HQO-lar men arnaıy HQO-lardyń 2025 jylǵy qańtardaǵy jumys kestesi týraly málimdedi, dep habarlaıdy aqshamnews.kz.
Jańa jyldy merekeleýge baılanysty HQO-lar men arnaıy HQO-lar 1-3 qańtar aralyǵynda jumys istemeıdi.
Degenmen 4 qańtar, senbi kúni Halyqqa qyzmet kórsetý ortalyqtarynyń kezekshileri úshin jumys kúni bolyp sanalady. Qabyldaý saǵat 9:00-den 13:00-ge deıin júzege asyrylady.
5 jáne 6 qańtarda elimizdiń barlyq ortalyǵy ádettegideı jumys isteıdi. Qazaqstanda 7 qańtarda pravoslavıelik Rojdestvo merekesi atap ótiletindikten, bul kún HQO men arnaıy HQO úshin demalys kúni bolyp sanalady.
Memlekettik korporasıa jumys kúnderi halyqqa qyzmet kórsetý ortalyqtary azamattardy saǵat 9:00-den 18:00-ge deıin qabyldaıtynyn eske saldy. Kezekshi Halyqqa qyzmet kórsetý ortalyqtary dúısenbi men juma aralyǵynda 9:00-den 20:00-ge deıin jáne senbide 9:00-den 13:00-ge deıin jumys isteıdi.
Halyqqa qyzmet kórsetý ortalyqtarynyń kezekshi mekenjaılarynyń tizimi Instagram-daǵy resmı paraqshada qoljetimdi, sonymen qatar 1414 nómiri boıynsha da bilýge bolady.