Ázirbaıjan Respýblıkasynyń Premer-Mınıstri Álı Asadov Qazaqstannyń Bakýde ornalasqan Elshiligine baryp, ushaq apatyna baılanysty kóńil aıtý kitabyna jazba qaldyrdy.
Baýyrlas eldiń úkimet basshysy: «Elderimiz úshin osy aýyr jáne qaıǵyly sátte Úkimettiń jedel reaksıasyn, Qazaqstannyń ártúrli memlekettik organdarynyń jyldam jáne jan-jaqty qoldaýyn, baýyrlas Qazaqstan halqynyń janashyrlyǵyn joǵary baǵalaımyn jáne úlken alǵysymdy bildiremin. Ázirbaıjan Úkimeti de óz kezeginde bul oqıǵanyń saldaryn joıý úshin barlyq kúsh-jigerin jumyldyrdy jáne budan bylaı da jan-jaqty qoldaý kórsetetin bolady»,-dep estelik qaldyrdy.
Al Qazaqstannyń Ázirbaıjandaǵy Elshisi Álim Baıeldiń aıtýynsha, bul jaǵdaı Qazaqstan men Ázerbaıjannyń sózben emes, is júzinde odaqtas ekenin kórsetti. Yntymaqtastyqtyń mundaı joǵary deńgeıi baýyrlas elderdiń ózara senimin arttyrady,- dedi elshi.