Artyq salmaq nemese semizdik máselesi - qazirgi kezde álemdegi eń kóp taralǵan aýrý, ózekti másele.
Almaty qalasynyń №7 qalalyq klınıkalyq aýrýhanasynyń hırýrgtary semizdik jáne basqa da ilespe aýrýlary bar pasıentke bir mezette barıatrıalyq/ metabolıkalyq aralas operasıa jasady, dep habarlaıdy Almaty-akshamy.kz.
33 jastaǵy jas áıel birneshe jyl boıy artyq dene salmaǵynan (dene salmaǵynyń ındeksi - 54) zardap shekti, dene salmaǵy 145 kg joǵary. Ony tez sharshaýdyń jıiligi, qımyldaý kezdegi entigý, tersheńdik, býyndarynyń aýrýy mazalady. Áıel artyq salmaqpen óz betinshe kúresken, qaıta-qaıta emdelgen, nátıje bermegen. Sol sebepti basqa óńirden kelip, Almaty qalasynyń №7 qalalyq klınıkalyq aýrýhanasynyń barıatr-hırýrgy, №2 hırýrgıa bólimshesiniń meńgerýshisi, profesor Musa Meńdibaıuly Sahıpovtyń qabyldaýyna keldi.
Jan-jaqty tekserýden keıin jáne qarsy kórsetilimder bolmaǵan keıin, pasıentke hırýrgıalyq emdeý usynyldy.
Pasıenttiń ilespe aýrýlary: metabolıkalyq baýyr maıy gepatozy; mozylmaly kalkýlezdi holesıstıt; gastroezofagealdy reflúks aýrýy; 1 tıpti ishek jaryǵy; predıabet; AG-1-2 dáreje.
Profılaktıkalyq tekserý barysynda ót-tas aýrýy buryn anyqtalǵan.
Operasıa jasaýshy hırýrg Musa Meńdibaıuly Sahıpovtyń, asısstent-hırýrg Farabı Stamqulovtyń, Ilár Abdraımnyń, anestezıolog-reanımatolog Marat Lekerovtiń jáne operasıa jasaý bólimshesiniń meıirbıkesi Juldyzdyń qatysýymen laparoskopıalyq shaǵyn-gastroshýnttaý (ashyq tiliksiz), krýrorafıa, holesıstektomıa, ish qýysyn drenajdaý oryndaldy. Kúrdeli sımýlásıalyq hırýrgıa ádettegiden uzaqqa sozyldy.
Qansyz operasıa nátıjesinde dárigerler asqazandy gastroshýnttap qana qoımaı, pasıentti ót- tas aýrýynan, udaıy bolatyn qyjyldan jáne aýyzdaǵy ashshy dáminen aryltty, óıtkeni pasıenttiń óńesh pen asqazan aımaǵynda anatomıalyq qatynasy retteldi. Operasıadan keıin óńesh pen asqazan arasyndaǵy klapannyń jumysy jaqsarady, tabıǵı qorǵanys mehanızmi saqtalady – kekirý jáne qusý refleksi. Operasıadan keıingi kezeńde jutynýdyń buzylýy, yńǵaısyzdyq, yńǵaısyzdyq jáne aýyrsyný bolmaıdy.
Aýrýhananyń barlyq qajetti dıagnostıkalyq jáne emdik aspaptarymen, zamanaýı jabdyqtarmen jáne ish qýysy organdaryna endovıdeohırýrgıalyq aralasýlardy, sondaı-aq barıatrıa jáne metabolıkalyq sındrom boıynsha birneshe beıindi mamandardyń oryndaýynda, ári mamandardyń mol tájirıbesiniń arqasynda bul operasıa eshbir asqynýsyz, óte joǵary deńgeıde ótti.
Aıta ketý kerek, №7 QKA-da semizdikpen aýyratyn naýqastardy emdeý jáne tekserý halyqaralyq jáne qazaqstandyq klınıkalyq usynymdaryna tolyq sáıkes júrgiziledi. Álemdik medısınalyq tájirıbede óziniń tıimdiligin dáleldegen, artyq dene salmaǵynan birjola arylýǵa múmkindik beretin, az jaraqattanǵan dáleldengen ádister ǵana qoldanylady.
Dárigerler pasıentti tórtinshi kúni emdik-eńbek usynystar berip úıine shyǵardy. Oǵan belgili bir ýaqyt dıetany jáne bólshek tamaqtanýdy ustaný, 6 aı boıy fızıkalyq belsendilikti shekteý jáne operasıadan keıingi 2-shi aptadan bastap belsendi salaýatty ómir saltyn ustaný, hırýrg, gastroenterolog, endokrınolog mamandardyń ambýlatorıalyq baqylaýynda bolý usynyldy. Dárigerlerdiń barlyq usynystaryn eskere otyryp, pasıent artyq salmaqtan arylady jáne barlyq ilespe aýrýlar báseńdeıdi.
Artyq salmaq nemese semizdik máselesi - qazirgi kezde álemdegi eń kóp taralǵan aýrý, ózekti másele. Artyq salmaqtyń basty qaýpi - eresekterde semizdik sońǵy kezeńderde ilespe aýrýlardyń paıda bolýyna ákeledi jáne adam ómirine qaýip tóndiredi. Semizdiktiń sońǵy kezeńderinde dıeta men jattyǵýlar tıimsiz, asa jaqsy nátıje bermeıdi. Sonymen qatar, salmaq joǵaltý - semizdikpen qatar júretin aýrýlardyń damýyn toqtatýdyń jalǵyz joly. Bul jaǵdaıda barıatrıalyq hırýrgıa bul máseleni sheshýdiń tıimdi ádisi bolyp sanalady. Barıatrıa - bul adam aǵzasyna eleýli aralasý, sondyqtan operasıa dene salmaǵynyń ındeksi 35-40 kg/m2 joǵary bolǵan jaǵdaıda ǵana taǵaıyndalady; naýqasta semizdik aıasynda damıtyn sozylmaly aýrýlar bar, terapıalyq emdeý ádisteri pasıenttiń jaǵdaıynyń jaqsarýyna kóp úles qospaıdy.