Almatyda TMD-daǵy alǵashqy balalarǵa arnalǵan Ǵylym murajaıdyń qurylysy bastalady
Almatyda bilim berý salasyn qarjylandyrý kólemi 2025 jylǵa qaraı 16% - ǵa artady. Bul týraly Almaty ákimi Erbolat Dosaev qalalyq máslıhattyń 2025-2027 jyldarǵa arnalǵan búdjeti bekitilgen sesıasy barysynda habarlady.
"2024 jyly bilim berý salasyn qarjylandyrýǵa 479,3 mlrd teńge bólindi. 2025 jyly qarjylandyrý kólemi taǵy 16% - ǵa 555,4 mlrd teńgege deıin ulǵaıady", - dep atap ótti megapolıs basshysy.
Onyń aıtýynsha, oqýshy oryndarynyń tapshylyǵyn tómendetý maqsatynda 2024 jyly 11,8 myń orynǵa 9 mektep iske qosylady. 2025 jyly "Jaıly mektep" Ulttyq jobasy aıasynda 27,3 myń oryndyq taǵy 15 mekteptiń qurylysy aıaqtalady.
Memleket basshysynyń qoldaýyna oraı, 2025 jyldan bastap Almatyda burynǵy "Almaly" SO bazasynda balalarǵa arnalǵan TMD-daǵy alǵashqy Ǵylym murajaıyn Science Museum Singapore-men birlesip qurý bastalady. Osy maqsattarǵa qala búdjetinen 12,2 mlrd teńge bólý josparlanýda. Aıta keteıik, Singapore Science Museum-bul shyǵarmashylyq prosestiń ǵylym men ónerdegi rólin jáne onyń qoǵamnyń sanasyna áserin zertteýge baǵyttalǵan álemdegi alǵashqy murajaı.
Esterińizge sala keteıik, jalpy Almatyda jergilikti búdjet esebinen jańa mektepter, qosalqy nysandar salý arqyly oqýshy oryndarynyń tapshylyǵynyń basqarylatyn deńgeıine qol jetkizý boıynsha belsendi jumys júrgizilýde. 2025 jyly jaıly mektepterdi paıdalanýǵa berýdi eskere otyryp, oqýshy oryndarynyń tapshylyǵy basqarylatyn deńgeıge - 3-4 myń orynǵa deıin tómendeıdi.