2025 jyly Almatyda uzyndyǵy 5,7 shaqyrym bolatyn aýmaǵy 23,4 gektar Úlken Almaty ózeni jaǵalaýyn kóriktendirý jumystary bastalady. Bul týraly qalanyń úsh jyldyq búdjeti bekitilgen máslıhattyń kezekten tys sesıasynda belgili boldy, dep habarlaıdy aqshamnews.kz
Joba betondy tireýish qurylymdardy qaıta jóndeý, jaıaý júrginshiler men velosıped joldaryn salý, kópirler, jaryqtandyrý tirekteri, beınebaqylaý kameralary, balalar men sport alańdary, demalys oryndary jáne modýldik qoǵamdyq dárethanalar ornatýdy qamtıdy. Sondaı-aq aýmaqty kógaldandyrý jáne baqylaý alańdaryn jasaý josparlanǵan.
Aıta ketsek, 2024 jyly Almatynyń Alataý aýdanyndaǵy Boraldaı ózeni boıynda 24 gektar aýmaqta jasyl aımaq qurý jumystary aıaqtalǵan bolatyn. Onda jaıaý júrginshiler kópiri, skeıtpark, balalar jáne sport alańdary jabdyqtalyp, oryndyqtar, qoqys jáshikteri men modýldik dárethanalar ornatyldy. Mundaı jobalardyń tájirıbesi kóriktendirilgen jaǵalaýlar men jasyl aımaqtardyń demalýǵa qolaıly orynǵa aınalyp, qalalyq ortanyń sapasyn arttyratynyn kórsetedi.