Almaty soty Igor Dýjnovqa qatysty jazany belgilep, úkim shyǵardy.
Sot Igor Dýjnovty bes adamnyń ólimine kináli dep tapty, dep habarlaıdy Almaty-akshamy.kz QazAqparatqa silteme jasap.
«Ómir boıyna bas bostandyǵynan aıyrý jazasy taǵaıyndaldy. Tótenshe qaýipsizdiktiń qylmystyq júıesi mekemesi Dýjnovtyń jazasyn óteý orny retinde belgilendi», - dep úkim shyǵardy sýdıa.
Buǵan deıin prokýror sottan Igor Dýjnovty ómir boıyna bas bostandyǵynan aıyrýdy suraǵan bolatyn.
Eske salaıyq, byltyr 20 qyrkúıek kúni Almatyda jeke úılerdiń birine kelgen sot oryndaýshyǵa, ýchaskelik polısıa ınspektorlaryna úı ıesi - 1967 jyly týǵan azamat oq atty.
Qyzmet barysynda bes adam, onyń ishinde eki polısıa qyzmetkeri, oqtan jaraqat alyp, kóz jumdy. Qaza tapqan polıseılerdiń biriniń artynda 5, ekinshisinde 2 bala qaldy. Keıinirek Jeke sot oryndaýshylarynyń palatasy oqıǵaǵa qatysty túsinikteme berdi.
«Bank SentrKredıt» AQ is boıynsha qajetti barlyq qujat usynylatynyn jáne zardap shekkenderdiń týystaryna jan-jaqty kómek kórsetiletinin jetkizdi.