Búgin Prezıdent Qasym-Jomart Toqaevtyń tóraǵalyǵymen AMANAT partıasynyń sezi óz jumysyn bastady.
21 sáýirde partıanyń atqarýshy hatshysy Asqat Oralov Prezıdent osy jyldyń 26 sáýirinde kezekten tys XXIII sıezi shaqyrý týraly sheshim qabyldaǵanyn habarlady. Oǵan barlyq óńirlerden delegattar qatysady. Sıez onlaın formatta ótedi, dep habarlaıdy Almaty-akshamy.kz
Sıez barysynda ADAL saıası partıasynyń AMANAT partıasyna qosylýy týraly másele qaralady dep josparlanǵan. Budan buryn habarlanǵandaı, ótken aptada Memleket basshysy Amanat partıasynyń atqarýshy hatshysy Asqat Oralovty qabyldady .
Prezıdent turǵyndarmen keri baılanys jasaý isin kúsheıtý, aımaqtarda depýtattyq fraksıalardyń tıimdiligin arttyrý jáne partıanyń jastar qanatyn jańǵyrtý qajettigine basa mán berdi. Memleket basshysy azamattardy tolǵandyrǵan máselelerdi sheshý úshin Amanat partıasynda barlyq qajetti resýrs bar ekenin atap ótti.
Prezıdenttiń pikirinshe, partıanyń aımaqtyq fılıaldary osy máselede negizgi ról atqarýǵa tıis jáne óz deńgeıinde mazmundy qoǵamdyq dıalogty nyǵaıtýy qajet. Bıyl naýryz aıynda ADAL partıasynyń tóraǵasy Serik Sultanǵalı partıanyń AMANAT-qa qosylý sheshimin túsindirdi .