Almaty máslıhaty megapolıste beıbit jıyn uıymdastyrý jáne ótkizý úshin arnaıy oryndardy paıdalaný tártibin ózgertetin sheshim jobasyn ázirledi, dep habarlaıdy almaty-akshamy.kz.
Máslıhattyń sheshimimen Almaty qalasynda beıbit jıyn uıymdastyrý jáne ótkizý úshin arnaıy oryndardy, sondaı-aq arnaıy oryndardy paıdalaný tártibin aıqyndaý týraly 2020 jylǵy 23 maýsymdaǵy № 462 sheshiminiń 5-tarmaǵyna ózgeris engizildi.
«5-tarmaq mynadaı redaksıada jazylsyn: Zańnyń 9-baby 5-tarmaǵynda kózdelgen obektilerdiń irgeles aýmaqtarynan keminde 400 metr araqashyqtyq shekaramen aıqyndalsyn. Osy sheshim alǵash resmı jarıalanǵan kúnnen keıin kúntizbelik on kún ótkende qoldanysqa engiziledi» delingen jazbada.
Qujat 2024 jyldyń 10 qańtaryna deıin Ashyq NQA saıtynda qoǵam talqysynda bolady.
Eske salsaq, Almaty ákimdigi beıbit mıtıńi, jınalys pen sherý ótetin tórt oryndy naqtylap bergen bolatyn.
Iaǵnı, Mahatma Gandı atyndaǵy saıabaqta, «Sary Arqa» kınoteatrynyń artyndaǵy alańda, Shoqan Ýálıhanov alańynda, sondaı-aq Shoqan Ýálıhanov alańynan Shevchenko kóshesiniń boıyndaǵy Mahatma Gandı atyndaǵy saıabaqqa deıin jol boıynda ótkizýge bolady.