Almaty polısıasy arnaıy is-sharany Dostyq dańǵyly men Ospanov kóshesiniń qıylysynda júrgizdi, dep habarlaıdy Almaty-akshamy.kz.
Buryn múliktik qylmys úshin sottalǵan 44 jastaǵy A.esimdi azamatty ruqsat etilgen jeke tintý barysynda, ózine tán ıisi bar ósimdik tektes zat salynǵan polıetılen baılamy tárkilendi.
"Jalpy, arnaıy is-shara qarý urlaý deregi boıynsha QR QK-niń 291-baby 3-bóligine sáıkes qozǵalǵan qylmystyq isti tergeý aıasynda júrgizildi. Keıin kúdiktiniń turǵylyqty jerinde ruqsat etilgen tintý kezinde saraıdan AK-74 avtomaty men TOZ-17 shaǵyn kalıbrli myltyǵy tabyldy. Bul qarýdyń naqty kimdigi ekendigi men shyǵý tegin arnaıy saraptama anyqtaıdy. Sonymen qatar A.esimdi azamatqa esirtki satqan 1970 jyly týǵan M.esimdi azamatta sol ýaqytta ustaldy. Ol da tekserildi. Nátıjesinde belgili bir ıisti, ósimdik tektes zaty bar polıetılen baılamy jáne kúni, aty-jóni, aqsha somasy jazylǵan jazbalar tárkilendi, – dedi Almaty qalalyq polısıa departamenti bastyǵynyń orynbasary Dıdar Ahanov."
Sondaı-aq polıseıler QR QPK-niń 201-babyna sáıkes ózge aqparattar tergeý múddesine oraı jarıa etýge jatpaıtynyn habarlaıdy.
QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyqbuzýshylyq jasaýda kinásiz dep tanylady.