Jaıaý júrginshilerdiń qatysýymen bolatyn JKO-nyń aldyn alý jumystary júrgizilip jatyr, dep habarlaıdy Almaty-akshamy.kz.
«Patrúldik polısıaǵa birqatar negizgi basymdyqty jáne uzaq merzimdi mindetter júkteldi. Osy baǵyttardyń biri – qalada jol apatyn boldyrmaý, jol qaýipsizdigin qamtamasyz etý. Osy maqsattp kólik júrgizýshileri men jaıaý júrginshiler arasynda jol qozǵalysy erejelerin buzý derekterin anyqtaý jáne jolyn kesý sharalaryn turaqty túrde júzege asyrý. Jol-kólik oqıǵasy deńgeıine tikeleı áser etetin is-árekettegi vektorlyq baǵyttardy tańdaý qala joldaryndaǵy jaǵdaıdy dálirek baqylaýǵa múmkindik beredi», – dedi Almaty qalalyq PD jergilikti polısıa qyzmeti basqarmasynyń bastyǵy Serik Shýmaev.
Baıandamashynyń aıtýynsha, patrúldik polısıa ınspektorlary, jaıaý júrginshilerge basymdyq bermeı, jaıaý júrginshilerdiń ótkelderinen ótý erejelerin buzatyn jáne turaq pen toqtaý erejelerin buzǵan kólik júrgizýshilerine, sondaı-aq belgilenbegen jerlerden joldyń júrý bóligin kesip ótetin jaıaý júrginshilerge basa nazar aýdarady. Aıta keteıik, patrúldik polısıa qyzmetkerleri kezekti reıdti qalalyq kóterme bazar mańynda júrgizdi. İs-sharanyń alǵashqy saǵattarynda 30-dan astam jol qozǵalysy erejesin buzý deregi anyqtaldy.
«Biz jol qozǵalysyna qatysýshylardy, sonyń ishinde jaıaý júrginshilerdi jol qozǵalysy erejelerin qatań saqtaýǵa shaqyramyz. Jaıaý júrginshilerdiń yńǵaıly jáne qaýipsiz júrýi úshin jasalǵan barlyq jaǵdaıdy este saqtaý qajet. Ár adam, JQE elemeý jol qozǵalysyna qatysýshylardyń ómiri men densaýlyǵyna qaýip tóndiretinin este ustaýy kerek», – dedi S.Shýmaev.