«Bastaý» on jyl boıy úzilissiz jumys istep keledi.
Almatyda «Bastaý» X Halyqaralyq stýdenttik jáne debúttik fılmder kınofestıvali ótedi. Ústimizdegi jyly atalıysh festıvál 29 qarashasy men 3 jeltoqsan aralyǵynda ótedi, habarlaıdy Almaty-akshamy.kz.
Festıváldi Tanaris Production kınokompanıasy Almaty qalasy ákimdiginiń qoldaýymen uıymdastyrady. Festıválge QR Mádenıet jáne sport mınıstrligi, T. Júrgenov atyndaǵy Qazaq ulttyq óner akademıasy, «Turan» ýnıversıtetiniń Turan Film Academy joǵary mektebi jáne Ál-Farabı atyndaǵy Qazaq ulttyq ýnıversıteti qoldaý kórsetpek.
Joba álem elderiniń jas kınematografısteri arasyndaǵy yntymaqtastyqty nyǵaıtý, olardyń jumysyn qoldaý jáne ilgeriletý maqsatynda jyl saıyn uıymdastyrylady.
Festıvál prezıdenti Sergeı Ázimov atap ótkendeı – «Bastaý» jas rejıserler men senarısterge óz jobalaryn júzege asyrý úshin biregeı alań usynady. «Bastaý» on jyl boıy úzilissiz jumys istep keledi jáne festıváldiń kásibı jáne tatý komandasynyń arqasynda barlyq qıyndyqtardan sátti ótýde.
«Sondyqtan biz úshin basty ıdeıa, negizgi tujyrymdama mynandaı boldy: biz bárimiz - uıymdastyrýshylar, basshylar - eń joǵary kásibı maǵynadaǵy qyzmet kórsetýshi personal bolýymyz kerek. Biz osy oqıǵanyń basty keıipkerleri – avtorlar, rejıserler, operatorlar, dramatýrgter, jas akterler aınalasynda qurylǵan ınfraqurylymdy jasaımyz. Munyń bári olar úshin. Biz olarǵa osyny sezindirýimiz kerek», deıdi ol.
Bıylǵy jyly festıvál rejıser Iana Skopınanyń «Skoro konchıtsá leto» atty fılminiń premerasymen ashylady.
Festıváldiń ashylýy 29 qarashada Abaı atyndaǵy Qazaq ulttyq opera jáne balet teatrynda ótedi.