Almatyda jyl saıyn ótetin «Baqyt degen – seniń bala kúnderiń» atty balalar arasyndaǵy vokaldyq festıvál-baıqaýynyń kezekti maýsymy bastalady.
İs-shara 2022 jyldyń 21-22 shildesinde «Alataý» dástúrli óner teatrynda ótedi, dep habarlaıdy Almaty-akshamy.kz.
Festıvál bıyl altynshy jyl qatarynan ótkizilgeli otyr. Bıyl baıqaýǵa Qazaqstannyń ár óńirinen 6 men 16 jas aralyǵyndaǵy 11 bala qatysady. Baıqaý 3 kezeńnen turady. Birinshi kezeńde qatysýshy qazaqstandyq hıtti oryndaıdy, ekinshi kezeńde sheteldik hıt oryndalady. Al úshinshi kezeń «Juldyzdy dýet» degen ataýmen gala-konsert formatynda ótedi. Baıqaýǵa qatysýshy ónerli balalar otandyq estradanyń jaryq juldyzdary Álisher Kárimovpen, Ánel Árenovamen, Saltanat Qudaıbergen jáne basqa da ánshilermen birge dýet oryndaıdy.
Ótken 5 maýsymda elimizdiń túkpir-túkpirinen baıqaýǵa qatysýǵa 7000-daı ótinish túsken. Osy baıqaýdyń 50-ge tarta qatysýshysy elimizde jáne shetelderde ótken túrli festıváldar men baıqaýlardyń laýreaty atanyp úlgerdi. Bul is-sharanyń shyǵynyn tolyqtaı demeýshiler kóteredi. Uıymdastyrýshylar halyqtyń áleýmettik osal toptaryndaǵy balalar arasynda shyǵarmashylyqty nasıhattaýdy maqsat etedi.
Ýaqyty: 21 shilde, 12:00 – 1,2 kezeń.
22 shilde, 12:00 - 3 kezeń (óner juldyzdarynyń qatysýymen gala-konsert).
Ótetin orny: "Nurkent" shaǵynaýdany, 6, «Alataý» dástúrli óner teatry.
Akredıtasıaǵa arnalǵan baılanys nomeri:
+7 747 718 4118, Nurata Ońǵarbaı, mádenıet basqarmasy;
+7 708 769 95 90, Zere Nurymjanova, uıymdastyrýshalar toby.