Qoǵamdyq kólikte qalta urylarynan saq bolyńyzdar!
Almatyda balalardy tonaǵan qalta urysy ustaldy, dep habarlaıdy Almaty-akshamy.kz Polisia.kz- ke silteme jasap.
Ol kóbinese áıelder men mektep oqýshylarynyń qaltasyn qaqqan.
«Qoǵamdyq kóliktegi urlyqtyń aldyn alý boıynsha is-shara barysynda bizdiń bólimshe qyzmetkerleri qalalyq krımınaldyq polısıadaǵy áriptesteriniń kómegimen qoǵamdyq kólik baǵyttarynyń birinde 33 jastaǵy D.esimdi azamatty ustady. Qaskóı balanyń qaltasynan smartfondy urlap ketken. Mobıldi qurylǵy tárkilenip, oqýshynyń ata-anasyna qaıtaryldy. Qazirgi ýaqytta sotqa deıingi tergeý amaldary júrgizilýde. Kúdikti qamaýǵa alyndy. Almaty oblysynyń týmasynyń osyǵan uqsas basqa da qylmystardy jasaýǵa qatysy bar-joǵy anyqtalýda. Osy derek boıynsha QR QK-niń 188-babyna (Urlyq) sáıkes qylmystyq is sotqa deıingi tergeýdiń biryńǵaı tizilimine tirkeldi», – dep habarlady Medeý aýdandyq PB janyndaǵy polısıa bóliminiń bastyǵy Edilhan Baıǵaraev.