Balalardy qorǵaý kúni qarsańynda Almaty qalasynda "Dınamo" stadıonynda erekshe mańyzǵa ıe dástúrli sporttyq mereke uıymdastyryldy, dep habaralaıdy aqshamnews.kz.
Sharany Almaty qalalyq polısıa departamenti men "Dınamo" dene shynyqtyrý-sporttyq qoǵamy birlese ótkizdi. İs-sharaǵa mektep oqýshylary, polısıa qyzmetkerleriniń balalary jáne qyzmettik boryshyn óteý barysynda qaza tapqan tártip saqshylarynyń urpaqtary qatysty. Merekelik baǵdarlama aıasynda kóńildi estafetalar, sporttyq jarystar, baıqaýlar men kásibı sportshylardyń sheberlik kórsetilimderi usynyldy. Merekeniń basty maqsaty – balalardy salaýatty ómir saltyna baýlý, olardyń boıynda oń qundylyqtar men patrıottyq sezimdi qalyptastyrý, sondaı-aq polısıamen senimge negizdelgen qarym-qatynas ornatý. Mundaı is-sharalar Almaty qalasy polısıasynyń profılaktıkalyq jumysynyń mańyzdy baǵytyna aınalyp otyr.
– Biz sporttyń biriktirýshi, shabyttandyrýshy ári balalardyń boıyndaǵy eń jaqsy qasıetterdi ashýǵa septigin tıgizetinine senemiz. Bul tek mereke ǵana emes, sonymen qatar jasóspirimdermen jumystaǵy profılaktıkalyq bastamalardyń tıimdi tetigi. Profılaktıka jylynda ár bala ózin qajet ári qorǵalǵan sezinýi úshin bar kúshimizdi salamyz, – dedi Almaty qalalyq PD bastyǵynyń orynbasary Ádilǵoja Qusaıynov.
"Dınamo" DSHSQ ókilderi de osyndaı bastamalardyń áleýmettik mańyzdylyǵyn atap ótti.
– Biz sportty jastarmen til tabysýdyń ámbebap quraly dep bilemiz. Patrıottyq tárbıe, quqyqbuzýshylyqtyń aldyn alý jáne balalardyń densaýlyǵyn nyǵaıtý baǵytynda «Dınamo» árdaıym qoldaý kórsetýge ázir. Búginde bizdiń stadıon osyndaı izgi ister men jarqyn bastamalardyń ordasyna aınalǵanyna qýanyshtymyz, – dedi qoǵam tóraǵasynyń birinshi orynbasary Asqar Omarqulov.
Bul sporttyq mereke – qýanysh pen shabyttyń ǵana emes, bolashaq urpaqtyń jarqyn keleshegine baǵyttalǵan naqty qadamnyń kórinisi.