Almaty qalasynyń №2 balalar qalalyq klınıkalyq aýrýhanasynda «Balalardaǵy jańa týǵan kezeńdegi epıleptıkalyq jaǵdaılar» taqyrybynda halyqaralyq Ortalyq Azıalyq master-klass ótti.
İs-shara Eýropalyq balalar nevrologtarynyń qaýymdastyǵynyń (EPNS) qoldaýymen «Mı saýlyǵy» jahandyq uranymen nevrologıalyq kómekti jaqsartý boıynsha DDSU salaaralyq jospary aıasynda uıymdastyryldy. Semınarǵa Qazaqstan, Qyrǵyzstan, Ózbekstan, Ázirbaıjan jáne Reseıden kelgen mamandar jınalyp, balalar epılepsıasymen kúreste halyqaralyq yntymaqtastyqtyń mańyzdylyǵyn talqylady.
«İs-sharanyń negizgi maqsaty – balalar nevrologıasy jáne epıleptologıasy salasyndaǵy mamandardyń teorıalyq, praktıkalyq jáne klınıkalyq deńgeıin arttyrý. Negizgi nazar neonataldyq jáne erte balalyq epılepsıanyń ózekti dıagnostıkalyq algorıtmderine, terapıa men baqylaýdyń jańa tásilderine, basqa paroksızmaldy jaǵdaılarmen dıfferensıaldy dıagnostıkaǵa jáne pasıentterdi emdeýdiń kópsalaly ádisterine aýdarylady», – deıdi Almaty qalasynyń №2 balalar qalalyq klınıkalyq aýrýhanasynyń dırektory Marat Rabandıarov.
Epılepsıa – balalardaǵy eń kóp taralǵan nevrologıalyq aýrýlardyń biri. Ásirese, jańa týǵan sábıler men kishkentaı balalarda kóp kezdesedi, tyrysý mıdyń zaqymdanýynyń alǵashqy jáne mańyzdy kórinisi bolyp tabylady. Osy jasta epılepsıany erte anyqtaý, naqty dıagnostıka jáne ýaqtyly emdeý balanyń damýynyń boljamyna kúrt áser etýi múmkin.
Qazirgi zamanǵy medısınada epılepsıany baqylaýdyń keń aýqymy – dárilik terapıadan hırýrgıalyq ádisterge jáne dıetalyq ádisterge deıin bar.
Almaty qalasyndaǵy epılepsıamen aýyratyn balalarǵa keshendi kómek Qazaqstan-Reseı medısına ýnıversıtetiniń nevropatolog, epıleptolog, neırofızıolog, neırohırýrg, bólimshe qyzmetkerlerinen quralǵan tájirıbeli kópsalaly komandasy bar jetekshi mekeme – №2 balalar qalalyq klınıkalyq aýrýhanasynda kórsetiledi.