Almatyda «Balalardaǵy erte paıda bolatyn aýtızm kezinde maǵynaly qabyldaýdy damytý» jáne «Emosıonaldy kúızelis» taqyryptary boıynsha semınar ótti.
Erekshe qajettilikteri bar balalarmen jumys isteıtin ata-analar men mamandarǵa arnalǵan aqparattyq-profılaktıkalyq oqytý semınaryn «Nachnı novýıý jızn» jeke menshik qory «Samuryq Qazyna» qorynyń qoldaýymen uıymdastyrdy.
Semınar trenıńti joba koordınatory Pak Svetlana Vladımırovna ótkizdi. Balalar aýtızmin erte emdeý týraly arnaıy shaqyrylǵan psıhıatr, psıhoterapevt Rýsakova Irına Vladımırovna eńjeı-tegjeıli aıtty. Irına Vladımırovna balalar aýtızmin emdeýmen aınalysatyn tájirıbeli maman. Ol óziniń jeke ádisnamasy týraly aıtyp berdi. Onyń sózinshe jyl ótken saıyn aýtızmmen aýyratyn balalardyń sany ósip keledi. Óz tájirıbesinde alǵash ret Qazaqstanda aýtızmmen aýyrǵan balany 1993 jyly kórgen eken. Oǵan deıin tek kitap betterinde aýrý týraly aqparat bolǵan.
Sala mamany balalarda aýrý belgilerin erte anyqtaǵan dury deıdi. Em qabyldaýdy bastaıtyn eń tıimdi ýaqyt 4-5 jas. 7 jasqa deıin bala emdelýi tıis deıdi psıhoterapevt. Sebebi 7 jasta bala psıhıkasy tolyq qalyptasady. Mamannyń ádisnamasyna keletin bolsaq, aýtızmmen aýyratyn balalardy qorshaǵan ortany, ózin sanaly túrde qabyldaýyna jaǵdaı jasaýǵa áreket etedi. Ádisnamanyń basty ereksheligi balany óziniń qurdastarymen oınatý arqyly birtindep emdeý.