Musylmandarda qasıetti Ramazan aıy jáne onymen birge oraza da bastaldy. №16 Qalalyq emhananyń gastroenterolog dárigeri Jansaıa Janabaeva osy kezeńde oraza ustaıtyndarǵa qandaı tamaq jeý kerek jáne qandaı taǵamnan bas tartý kerektigi týraly aıtyp berdi, dep habarlaıdy almaty-akshamy.kz.
Onyń aıtýynsha, oraza kezinde jeńil jáne ońaı sińetin taǵamdardy tutynǵan jón, sonymen qatar asqazannyń shamadan tys júktemesine ákeletin maıly, tuzdy, qýyrylǵan jáne aýyr taǵamdardy alyp tastaǵan jón. Táttilerden, kofeden, shaıdan jáne gazdalǵan sýsynnan bas tartý da mańyzdy.
Iftardy qurmadan bastaý usynylady. Qurma as qorytý júıesi men aǵzany jaqsy kúıde ustaý úshin qajetti talshyqtarǵa óte baı.
Sonymen qatar, sýsyzdanýdy boldyrmaý úshin orazanyń ruqsat etilgen ýaqytynan keıin, ıaǵnı aýyz ashqannan keıin jetkilikti mólsherde sý ishý kerek jáne jáne asqazandaǵy jaǵymsyz sezimderdi boldyrmaý úshin aýyz ashqannan keıin birden kóp mólsheride sý ishýge bolmaıdy.
Uzaq ýaqyt boıy oraza ustaǵandy eskere otyryp, jyldam emes, baıaý sińetin taǵamdardy, sonyń ishinde quramynda talshyqqa baı taǵamdardy tutyný kerek.
Baıaý sińetin tamaq ónimderi-quramynda kúrdeli kómirsýlar bar taǵamdar: dánder men tuqymdar-arpa, bıdaı, suly, tary, jarma, burshaq, jasymyq, elekten ótpegen un, untaqtalmaǵan kúrish jáne t.b.
Tez sińetin taǵamdar-quramynda bos, tazartylǵan kómirsýlar bar taǵamdar: qant, elengen un, mysaly, joǵary sortty un.
Oraza kezinde ósimdik taǵamdary qorektik zattardyń qajettilikterin óteý úshin ártúrli, talshyqtar men aqýyzdarǵa baı bolýy kerek.
"Sondaı – aq, kebek, tutas untaqtalǵan bıdaı dánderi, tuqymdar men dánder, kókónister (jasyl burshaq, asburshaq, kádi), júgeri, shpınat, temirge baı qyzylsha japyraqtary, qabyǵy bar jemister, badam, keptirilgen jemister-órik, injir, qara órik jáne t. b.",- deıdi Jansaıa Janabaeva.
Sonymen qatar, dáriger artyq tamaqtanýdan aýlaq bolý kerek ekenin atap ótti, óıtkeni uzaq ýaqyt oraza ustaǵannan keıin artyq tamaqtaný ishekke jáne jalpy aǵzaǵa aýyr zıan keltirýi múmkin. Sondaı-aq sozylmaly aýrýlary bar adamdardyń sanattaryna oraza ustaýǵa bolmaıtynyn aıtty.