Balalardaǵy týberkýlezdiń aldyn alýdyń mańyzdy ádisteriniń biri jańa týǵan nárestelerdi BSJ vaksınasyn egý bolyp tabylady. Bul týraly Almaty qalasy Ftızıopýlmonologıa ortalyǵynyń dırektory Janar Sapıeva ÓKQ brıfıńinde atap ótti, dep habarlaıdy almaty-akshamy.kz.
"Jyl qorytyndysy boıynsha BSJ vaksınasıasymen jańa týǵan balalardyń 88,3% qamtyldy. Alaıda balalardyń 11,7% - y vaksınasıalanbaǵan, onyń 3,8% - y jeke senimi boıynsha egýden bas tartqan, al 7,8% - medısın medısınalyq qarsy kórsetilimderi bolǵan", - dep habarlady Janar Sapıeva.
Emhanalar deńgeıinde balalardy vaksınasıalaý jumystary jalǵasýda. 2023 jyly emhanalarda 920 bala vaksınasıalandy, bul vaksınasıalanbaǵan balalardyń jalpy sanynyń 3,8% quraıdy.
Mamannyń aıtýynsha, búkil álemde týberkýlez ınfeksıasynyń jasyryn túrin emdeý júrgizilýde. Alaıda, kóptegen ata-analar balalardaǵy jasyryn týberkýlez ınfeksıasyn profılaktıkalyq emdeýden bas tartady. Bul ásirese týberkýlezben aýyratyn jáne aýrýdyń belsendi túriniń damý qaýpi joǵary balalarǵa qatysty.
Profılaktıkalyq emdeý týberkýlezdiń keń taralǵan jáne aýyr túrleriniń damý qaýpin azaıtady. Dúnıejúzilik densaýlyq saqtaý uıymy týberkýlezdi profılaktıkalyq emdeý aýqymyn eń qaýipti popýlásıalar arasynda, sonyń ishinde kúndelikti ómirde týberkýlezben aýyratyn adamdarmen, AITV-ınfeksıasymen ómir súretin adamdarmen jáne ımýnıteti tómendegen basqa adamdar arasynda arttyrýdy usynady.