ÓKQ alańynda ótken brıfıńte Almaty qalasy Ftızıopýlmonologıa ortalyǵynyń dırektory Janar Sapıeva bul ádistiń tegin jáne qoldanýǵa ońaı ekenin atap ótti, dep habarlaıdy almaty-akshamy.kz.
“2024 jyldan bastap Almaty qalasynyń ftızıopýlmonologıa ortalyǵynda kvantıferrondyq testpen tekserý bastaldy. Bul zamanaýı zerthanalyq synaq týberkýlez ınfeksıasyn belsendi jáne jasyryn túrlerin anyqtaýǵa múmkindik beredi. Mantý men dıaskıntestten aıyrmashylyǵy, kvantıferron synaǵy denege antıgender men bakterıalardy engizýdi qajet etpeıdi. Test júrgizý úshin tamyrdan qan alynady jáne nátıje birneshe kúnnen keıin daıyn bolady. Bul synaqtyń dáldigi teri synaqtaryna qaraǵanda áldeqaıda joǵary jáne ınfeksıa bolǵan jaǵdaıda ǵana oń nátıje kórsetedi”, - dedi Ortalyq dırektory.
Jalpy, 2023 jyly eresekter men balalar arasynda týberkýlezge skrınıngtik tekserý júrgizildi, onymen 646 08 adam qamtyldy. Mantý reaksıasy týberkýlez qaýpi tóngen 124 372 balany tekserdi.
Týberkýlezdiń dıfferensıaldy dıagnostıkasyn júrgizý úshin Almaty qalasynyń Ftızıopýlmonologıa ortalyǵynda Japonıada shyǵarylǵan 64 tilimdi kompúterlik tomograf qoldanylady. Bul zamanaýı qurylǵy týberkýlezdi basqa aýrýlardan ajyratýǵa jáne dál dıagnoz qoıýǵa múmkindik beredi.