Almatyda balabaqsha.bilimalmaty.kz. saıtynda memlekettik mektepke deıingi uıymdarǵa josparly jappaı jınaqtaý bastalady. Eń aldymen balabaqshalardaǵy oryndardy bólý kezekten tys (jeńildikti) jáne birinshi kezektegi (kezegi kelgender) úshin júrgiziledi. Úsh kúnnen keıin saıttaǵy barlyq kezekte turǵandar úshin bos (qalǵan) oryndar balabaqsha.bilimalmaty.kz saıtynda qoljetimdi bolady. Aǵymdaǵy jyly Almaty qalasynyń mektepke deıingi uıymdaryna 13 000-ǵa jýyq bala qabyldaý josparlanýda.
2023 jylǵy 16-18 mamyr aralyǵynda 2021, 2020, 2019, 2018 jyly týǵan balalarǵa arnalǵan arnaıy (túzetý) mektepke deıingi uıymdarǵa oryndar qoljetimdi bolady. Ózgeler úshin bos (qalǵan) oryndar 2023 jyldyń 19 mamyrynda tańǵy 6:57-de qoljetimdi bolady.
Oryndardy tolyqtyrý kezinde birinshi kezektegilerdiń telefon nómirine kezektiń kelgeni týraly habarlama keledi. Habarlama alý kezinde ata-ananyń nemese qamqorshynyń balabaqshaǵa joldama alý úshin úsh jumys kúni bar. Alynǵan joldamany mektepke deıingi uıymǵa bes jumys kúni ishinde usyný qajet. Osy ýaqyttan keıin joldama joıylady. Bul rette balanyń kezegi toqtatý paraǵyna 10 kúnge barady, onda ol bos oryndardy bólýge qatysa almaıdy. 10 kúnnen keıin balanyń kezegi qalpyna keledi. Aıta keterligi, oryndardy bólý prosesi tolyǵymen avtomattandyrylǵan.
Ári qaraı jalpy úlgidegi memlekettik balabaqshalarǵa jınaqtaý bastalady:
- Birinshi kezeń 2021 jyly týǵan balalarǵa - 22 mamyrda mektepke deıingi uıymdarǵa oryndar qosylady. Kezegi kelgen balalarǵa bul oryndar 23-25 mamyr aralyǵynda tańǵy 7:00-den bastap qoljetimdi bolady. Bos oryndar (qalǵan) barlyǵyna 26 mamyrda tańǵy 6:57-de shyǵady.
- Ekinshi kezeń 2021 jyly týǵan balalarǵa - 12 maýsymda mektepke deıingi uıymdarǵa oryndar qosylady. Kezegi kelgen balalarǵa bul oryndar 13-15 maýsym aralyǵynda tańǵy 7:00-den bastap qoljetimdi bolady. Bos oryndar (qalǵan) barlyǵyna 16 maýsymda tańǵy 6:57-den shyǵady.
- Birinshi kezeń 2020 jyly týǵan balalarǵa - 29 mamyrda mektepke deıingi uıymdarǵa oryndar qosylady. Kezegi kelgen balalarǵa bul oryndar 30 mamyr men 1 maýsym aralyǵynda tańǵy 7:00-den bastap qoljetimdi bolady. Bos oryndar (qalǵan) oryndar barlyǵyna 2 maýsymda tańǵy 6:57-de shyǵady.
- Ekinshi kezeń 2020 jyly týǵan balalarǵa - 19 maýsymda mektepke deıingi uıymdarǵa oryndar qosylady. Kezegi kelgen balalarǵa bul oryndar 20-22 maýsym aralyǵynda tańǵy 07:00-den bastap qoljetimdi bolady. Bos oryndar (qalǵan) oryndar barlyǵyna 23 maýsymda tańǵy 6:57-den bastap shyǵady.
- 5 maýsymda 2019, 2018 jyly týǵan balalarǵa arnalǵan oryndar qosylady. Kezegi jaqyndaǵan balalarǵa bul oryndar 6-8 maýsym aralyǵynda tańǵy 07:00-den bastap qoljetimdi bolady. Bos oryndar (qalǵan) oryndar 9 maýsymda tańǵy 6:57-den bastap qoljetimdi bolady.
Osylaısha, mektepke deıingi uıymdar dúısenbide bos oryndardy ornalastyrady. Seısenbi, sársenbi jáne beısenbide olar kezekten tys jáne birinshi kezektegi balalarǵa qoljetimdi bolady. Juma kúni tańǵy saǵat 06.57-den bastap qalǵan bos oryndar barlyq kezekke qol jetimdi bolady.
Osylaısha, balabaqshalarǵa joldamasy bar balalardy qabyldaý mektep aldyndaǵy toptan shyqqan kezde júzege asyrylady, sebebi mektepke deıingi mekemeler qyzmetiniń úlgilik erejelerine sáıkes mektepke deıingi toptardyń balalary 1 tamyzǵa deıin balabaqshalarǵa bara alady.
Eske salsaq, toptardy jınaqtaý, bos oryndar týraly aqparat, sondaı-aq joldama alý jónindegi nusqaýlyq balabaqsha.bilimalmaty.kz saıtynda ornalastyrylǵan. Eger qoljetimdi uıymdardyń tiziminde qajetti balabaqsha bolmasa, onda bul uıymda bos oryndar joq ekenin bildiredi. Bos oryndardy balabaqsha.bilimalmaty.kz saıtynda "statısıkany qaraý" bóliminen kórýge bolady. (https://balabaqsha.bilimalmaty.kz/Common/Statistics/Free)
Júıe arqyly mektepke deıingi balalar uıymdarynyń máseleleri boıynsha balabaqsha.bilimalmaty.kz (bos oryndardyń bolýy, kezekke turý, joldamalar berý, jeke kabınetke kirý jáne t. b.) nómirler boıynsha Call-center-ge habarlasýǵa bolady: 1308, +7 (727) 338-33-88.
Tehnıkalyq suraqtar boıynsha: +7 (771) 030-17-48 (WhatsApp/qońyraýlar) jumys kúnderi 9:00-den 18:00-ge deıin (13:00-den 14:00-ge deıin-túski as ýaqyty).
Qadamdyq nusqaýlyqty kórý úshin https://balabaqsha.bilimalmaty.kz/Client/Cabinet/Instr siltemesi boıynsha ótý kerek.